Hebreos 10:4 - La'qaatqa ñi qota'olec Qota'olec & Qota'olec Novita Na Qomyipi

⁴ ma' naua leuo' na toorollipi chaqai na quetaq louaaripi ỹaatqajam se ishit naqat na nasauaxaseteripi.

Hebreos 10:4 Iomraidhean Croise

Salmos 51:16

Ma' qami' sqai 'maxariñi' aca chi nachitaxanataxanqate loqo'm aca qaỹavigaxat; ỹim seshit saanem quet qami', qam qami' sqai 'maxariñi' aca'maxare.

Oseas 6:6

Dá'maq sahotaque caqamiri quiyim rqo'chiiua', mesqai quiyim lauachii ca isecỹac, ca 'ỹaañiỹot aỹim; chaqai quiyim 'yiiñiỹa'a aỹim quiyim ỹim qota'olec, ca' sqai 'ỹaañiỹot aỹim cá'maq isecỹac vigaxachii. (6.7—10.15 Da lcoñiitaxanaxac ñi qara'gaxala' quedá'maq se no'uen ỹo'ueetetac so qomyipi quiyi Israel. Da naquitaxac quena ỹoqa'a qomyipi. Dá'maq 'neetari' quena nqolaquipi. Dá'maq naata nouaxanaxaset.)

Marcos 12:33

Chaqai quiyim qarqo'ta ñi'maxare, somatqo'ot añi qare'taxanata, chaqai da qara'deenataxanaxac, chaqai da qanachaalataxac, chaqai dá'ogue da qarquesaxanaxa, chaqai quiyim qarauotegue ca qariỹa, 'nejme' qomi' chi ñauochaqalta', ma' da'maxare napacalec ná'ogue na nachitaxanataxanqateripi quena' qoỹaanot ñi qota'olec, chaqai ana nachitaxanataxanqate quena' qaỹavigaxat cada ncopatoxonaxalate.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Romanos 11:27

Ca' 'eda 'neeta ma'le da ña'maqataxac ma' ña'maxate'e' na'maxare, ma' ỹovita quiyim ñaqata'a na lasauaxaset.

Hebreos 10:1

Ma' da naqataxaquipi chicqo'ot na'le so Moisés 'ec chi la'al cá'maq chalego loyac naỹa'quena, ca' mesqai dá'maq ỹaatqajam no'ueenataxac. Ca' vichiguiño' na naqataxaquipi se ishit ỹa'maxajñi ca qom shim nqo'neu'a ñi qota'a, chicqochigui na qoỹaantapego nachitaxanataxanaxat naua'que ñaxari.

Hebreos 10:11

Ca' ná'ogue na letaxaỹaxanqajnec na judioipi quena' retaxaỹa'pegue' ñi qota'a, na'maxare queetalec da lo'ueenataxanaxac quenaua'que naua na'xata' chaqai queetalec quiyim piltalec ỹaantapego ana nachitaxanataxanqate, 'eno'm najo nachitaxanataxanqateripi se ishit naqat na nasauaxaseteripi.

Hebreos 10:8

'Auaxaic 'naac so Cristo quiyim ñi qota'a se ỹa'maxaren chaqai se ỹacoñiguit na nachitaxanataxanqateripi chaqai na qoỹaantapego iseripi chaqai na qoỹaano qaỹavigaxat quiyim naqat na nasauaxaset, 'eno'm chaqaina ná'maq relaataxanlec na naqataxaquipi quiyim qaỹo'uet.

Hebreos 9:9

Dá'ogue dajo 'ec ca chi naloqojnaxanaxaqui quenauá'maq na'xata' seuqatauguilo nagui. Ma' ná'maq nachitaxanataxanqate chaqai aná'maq liỹa qaỹavigaxat huaugui so'maxare quiyim qoỹaanot ñi qota'a, naua'maxare se ishite' quiyim nachinñi nqai'ne' da la'deenataxanaxac ná'maq queetalec dajo.

1 Juan 3:5

Ma' qamiri shi'gue 'yiiñii quiyim so Jesucristo nacpegue' ana 'laua, ỹahotaque naqat na qarasauaxaset, qam so'maxare qaica ca lasauaxaset.