Hebreos 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qami' ỹaatqajam rqo'chita dá'maq ỹa'maqachiguiñi, chaqai ỹaatqajam se rqo'chita dá'maq se no'uen. Vichiguiño' ñí'maq qota'a caqami', ñi'maxare ỹocorelec aqami' quedá'maq chalego lecaic netoonaxac, ỹapacauec nqai'en quena nauegaxauachi'.

Hebreos 1:9 Iomraidhean Croise

Salmos 2:2

Ná'ogue na nashillipi quena 'laua, na'maxare sqai huelec, ca' lapoỹata', ca npa'guene'e' ñi qota'olec chaqai ñi nashi lca'acsec.

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Salmos 23:5

Ca 'maxachisañi ca iqui'ỹaxac, ca' qaiyi ỹauanchigui ná'ogue na ñpa'guenaxauaripi; ca' cochirelec na iqahic quena coraxat, chaqai i'paxanteguelec nqai'ñi' aso ñi'taxaqui.

Salmos 33:5

Ñi qara'gaxala' nqo'ta da neuagaxaric chaqai da 'maxataxaric; ¡da le'xorenataxanaxa ỹomatalec ná'ogue na 'laua!

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Salmos 45:6

Qami' qota'olec, quiyim 'viiquiñi'sac najo sqaica lqodoc, qaica ca liỹa taỹa'gue, qaidaata da ỹa'maqachiguiñi.

Salmos 45:7

Qami' nashi, ỹaatqajam rqo'chita ná'maq no'uen chaqai se rqo'chita na se no'uen. Vichiguiño' nca'au'a qami' ñi qota'olec ñí'maq qota'olec caqami', Ca' 'xoic nqai'en da netoonaxaqui', ỹapacauec nqai'en qami' quena riỹachi'ipi.

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Isaías 61:8

Ma' ñi qara'gaxala' nqo'ta dá'maq ỹa'maqachiguiñi, ca' se nqo'ta da nocataxac chaqai da nalauataxanaxac. Ca' ñi'maxare ỹaatqajam ỹaqamaxateta ỹaanem aca nishiuete na lalamaxareteripi, ca ỹa'ue ma'le ca na'deenaxac quenaua'maxare sqaica lqodoc.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Juan 1:41

Ca' so Andrés chaqa'ma' idaanaque so lqaỹa Simón, ca 'naapego': —Mashic sauanaxa ñí'maq qohinac Mesías —qam dajo leloxoỹaxac da neenaxat 'neetasa' Cristo, loqo'm ca qaỹa'xateta'guit nashi nca'laxaqui.

Juan 10:17

Ñí'maq ita'a ỹaatqajam nqo'ta ỹim, ma' ỹim saanec da ñachaalataxac, qam ma'le liỹa secoñiguit.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 4:26

Na nashillipi quena 'laua na'deenta', chaqai ná'maq na'gaxalateripi lapoỹata', npa'guene'e' ñi qara'gaxala' qota'a, chaqai ca nela' quiyim nashi nca'laxaqui.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.

Romanos 12:9

Ỹaatqajam 'chichiguiñi nqai'ñii da re'xorenataxanaxahi quiñi 'óna queca liỹa. Se rqo'chiỹa dá'maq se no'uen, ca' quii'uegue dá'maq lo'yaxanec.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

1 Corintios 1:9

Ca' ñi qota'olec ỹaatqajam ipacqajanchiguilo naua la'qaatqa, ma' chaqaiñi ñí'maq roỹaxanalo qamiri quiyim nouañiỹau'a da nachaalataxac so llaalec Jesucristo só'maq qara'gaxala'.

2 Corintios 11:31

Ca' ñi qota'a, ñí'maq leta'a so qara'gaxala' Jesucristo, ma' ta'chiguit se neme quiyim qaimaqachin, ñi'maxare ỹa'den quiyim lliqueta dá'maq sa'xatetac.

Gálatas 5:22

Qam da llaqtaxac so Espíritu Santo queca qom 'neetasa': ne'xorenataxanaxa, toonaxac, na'maxa, neualaxavic, nauotaxanqachic, neuagaxaric, chaqai naqamaxa,

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Filipenses 2:9

Ca' vichiguiño' ñi qota'a ỹaanem yí'maq paguec lecaic loma' chaqai da leenaxat paguec lecaic nqai'en quená'ogue,

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

Hebreos 2:9

Qam qomi' seuanaxa so Jesús só'maq ñi qota'a paguec nqo'ñiichiguiñi nqai'en quena lelaatqaipi piguim laseripi, qam se ladoguec. Ca quedá'maq le'xorenataxanaxa ñi qota'a, ca ỹo'uet quiyim ileualec ná'ogue; ca' nagui qoỹanagui da lecaic chaqai da lemaqachic, ma' ỹovirau'a da le'xoric na' ileu.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Juan 1:3

Sa'xatqatac só'maq seuanaxa qomi' chaqai sa'xaỹaxa, qaiyi qamiri na'yiiu'alo qomi', 'nejme' qomi' quiyim ỹaatqajam ña'daqatau'a ñi qota'olec chaqai so llaalec Jesucristo.

Apocalipsis 2:15

Qai'neeta 'vii nauá'maq neesa'ñina quená'maq sqai ỹaxañiñi naua lapaxaguinataxanaxaco so Nicolás, nauá'maq se yqo'talo.