Hebreos 1:2 - La'qaatqa ñi qota'olec Qota'olec & Qota'olec Novita Na Qomyipi

² Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 1:2 Iomraidhean Croise

Génesis 49:1

Ca' so Jacob roỹaxane'oga so llaalqaipi, ca 'naaco' quesaua'maxare: —Nqo'ñiiuo caỹim, qaiyi sa'xatema qamiri dá'maq ñaqa naataho viriỹau'a ma'le:

Isaías 44:24

Ñí'maq qara'gaxala' ñí'maq naqata'alo qomi', ñí'maq ỹa'maxajñi qami' na' saqa' ne'qa'iriñi, 'naac: Ỹim ná'maq ỹim na'gaxala' ỹo'ueenatec ná'ogue nanchaqaina, ỹim sepeguenec na piguim chaqai sa'ñaxajñi na 'laua, qaica ca yotauan.

Isaías 45:12

Ỹim so'uet na 'laua chaqai ná'maq qomyipi hueetalec ana'maxare, sepiguinshiguim na piguim chaqai selaataxan quiyim re'oq ná'ogue ná'maq hueeto'ot na'maxare.

Oseas 3:5

Ca ma' ime dá'ogue dajo, ca' rapil na Israel llaalqaipi, ca' idaanaque ñi la'gaxala' ñí'maq qota'olec quena'maxare chaqai so David só'maq lashi. Quenaua co'uaataxante' na'xata' ỹaatqajam neuogoq quepegue' ñi qara'gaxala' chaqai ná'maq na'maxa ỹaantauec ñi'maxare. (4.1—5.7 Ñi qara'gaxala' retaxaỹa chaqai ỹadentalec yi Israel. So Oseas qata quiyim le'en na nashiilec nqolaquipi.)

Miqueas 4:1

Naua co'uaataxante' na'xata', ca qai'taxajñi ma'le ada qa' dá'maq nejlec ñi no'ueenaxanaxaqui quiñi qara'gaxala'. Ada'maxare paguec lishicshi'megue ma'le, paguec ladogaxa caná'ogue ana liỹa qa'. Ca ná'ogue na ỹoreta'oguit qomyipi nacpegue' ma'le;

Números 24:14

Ajá'a, sopil quecá'maq chi ỹa'a'. Qam nagui ma' saqa' seloqouec, ca' sahotaque sa'xachiraxarom dá'maq 'neeta ma'le yi qomyipi quena qauochi' laseripi.

Mateo 13:39

Ca só'maq pa'guenaxaua só'maq ỹanñi aca peue se no'uen, chaqaiso só'maq na'ỹaapec. Chaqai so naqataxanaxac taỹaugui ma' ime na 'laua. Ca só'maq naqataxanaripi chaqaiso so nelaatqaipi piguim laseripi.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 21:38

Qam co'na' qaiuañi'chiguit só'maq llaalec, ca na'deento'o' so 'ueenataxanaxairipi, 'naaco': “Najo ná'maq taalec ma'le dá'maq lesallaxa so qana'co'. Salauataq, qaiyi taalgoto qomi' ma'le najo na'a'.”

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Marcos 1:1

'Eda 'neeto' na'le co'na' ñaqai chita'gue taañi da na'qaatec qaỹa'xatetac so Jesucristo só'maq llaalec ñi qota'olec.

Marcos 12:6

Qam ñaqa 'uo' so 'oonoqui' llaalec, só'maq ỹaatqajam lauochaxat. Ca' co'uaataxanto' ila' so'maxare, ma' 'neetapigui lauel: “Qaican qohinegue ma'le, ma' ỹaalec.”

Marcos 12:7

Qam so no'ueenataxanaripi na'deenta', ca 'naaco': “'Ena richi'guit ná'maq qaỹahotaque quiyim taalec nqohin na 'laua. 'Maxaraic salauataq, qaiyi taalgoto qomi' ma'le quiyim qaralamaxaret najo 'laua.”

Juan 1:10

Ca' só'maq qohinaco' quen na'qaatec mashic hueetalec na 'laua. Chaqai 'eno'm ñi qota'olec ỹachigoxochichigui so'maxare na' ỹo'uet na 'laua, qam ná'maq hueetalec na 'laua se ỹa'den so'maxare.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 1:3

Ca' ñi qota'olec ỹachigoxochichigui so'maxare na' ỹo'uet ná'ogue nanchaqaina, chaqai quená'ogue ná'maq mashic 'ue, qaica quet cá'maq sqa chicqaugui so'maxare.

Juan 13:32

Chaqai no'm najo ỹale llaalec ỹachaxan da lemaqachic ñi qota'olec, ca' ñi qota'olec ỹachaxan ma'le da lemaqachic quena'maxare chaqai qaỹaloq ỹo'uet.

Juan 15:15

Ca tot samata'que qamiri nelaatqa, ma' cá'maq nelaatec se ỹa'den cá'maq ỹo'uet ca na'co'. Ca shinac quiyim qamiri ñauochaxaua', ma' sa'deenaxanaxañiigue ná'ogue ná'maq 'naapiguiỹa' ñi ita'a.

Juan 16:15

Ná'ogue ná'maq lalamaxat ñi qota'a qai'neeta ỹalamaxaret. Vichiguiño' shinac ca Espíritu icoñiguit cá'maq ỹalamaxaret, ca ỹa'deenaxanaxaneguelo qamiri.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 3:25

Ca 'vio' saua lapaxaguinatqa so Juan nco'uaata'to saua judío lase' na' retaqasapigui da no'ueenataxac ca qom nco'taxateta.

Juan 5:26

Ma' ñí'maq leta'a 'ue da lquesaxanaxa quiyim chaqaiñi ỹaanec da nca'laxa. Ca' qai'neeta ỹaanem na llaalec da lquesaxanaxa quiyim ỹaanec da nca'laxa;

Juan 5:27

chaqai ỹaanem da lquesaxanaxa quiyim ỹa'ue ca nouaxanaxaset ca qom, ma' chaqaina najo ná'maq ỹale llaalec.

Juan 9:29

Qomi' sa'deenaq quiyim so Moisés retaqata'pegue' na'le ñi qota'olec, qam so ỹale vire'ta quiyim se sa'deenaq cá'maq chicqa'gue.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

Hechos 2:17

Cauajo pa'aaterec na'xata', 'naac ñi qota'olec, saanec na ñi'Espíritu Santo, socorelec ná'ogue na qomyipi; ca ra'qaataxan na ñaalqaipi, ỹale chaqai ana 'aalo ỹa'xat da ỹa'qaatec, chaqai na ne'naqaipi 'ue na leuanaxanaxac, chaqai na qo'xoiquipi 'ue na le'guemataxac.

Romanos 1:4

Qam chicqochigui so Espíritu Santo co'na' ỹa'xat quiyim so'maxare llaalec ñi qota'a chaqai ỹaatqajam 'ue da lquesaxanaxa co'na' nca'le'guesop so nelauaxa.

Romanos 8:17

Ca' quiyim mashic qomi' llaalqa, ca qai'neeta sovirqau'a quiyim seconaxaguit dá'maq ỹachaxantac ñi'maxare coqomi'. Ca ỹaatqajam ñouanqa'te' so Cristo, no'm chaqaiyi quiyim qare'xoyaxaua nagui so'maxare. Ca ma' ime, ca' ñouanqau'a ma'le da lauaq so'maxare.

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

1 Corintios 8:6

Qam qomi' sa'deenqata quiyim 'oonoqui' ñi qareta'a, leenaxat qota'olec. Ñi'maxare ỹo'uet ná'ogue nanchaqaina chaqai ỹa'vii qomi', ca' qomi' lalamaxarete'. Chaqai 'oonoqui' so qara'gaxala', leenaxat Jesucristo, só'maq ñi qota'a ỹachigoxochichigui ná'ogue ná'maq hueetalecna, chaqai vire'talo qomi'.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

Efesios 3:9

Ca' ñi qota'a ỹamaxailec quiyim sa'deenaxanaxanegue ná'ogue na qom dá'ogue dá'maq leloxoỹaxac dá'maq se re'xogui shi'co' nallaaqo' qoỹoxotetañi quiñi qota'a, ñí'maq ỹo'ueetac nanchaqaina.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.

Hebreos 1:5

Ma' ñi qota'a se ỹauana 'ue ca 'naapega quena lelaatqaipi piguim laseripi: Qami' na' qami' ỹaalec; saañiraxarom da rca'laxa'e' nagui. Chaqai sqaica ca 'naapega quena piguim laseripi: Ỹim shintari' ca leta'a so'maxare, chaqai so'maxare shinta'gue ca ỹaalec.

Hebreos 1:8

Qam quesó'maq llaalec, ca 'naaco': Añi nqa'xanaxagui'i' quiyim qami' qota'a, ñi'maxare qaica ca lqodoc; chaqai da ro'ueenataxanaxaqui' quiyim qami' nashi, ỹaatqajam ỹa'maqachiguiñi.

Hebreos 11:3

Chicqochigui da qarpi'ỹaxac quiyim qomi' sa'deenaq quiyim ñi qota'a lo'ueenatec ná'ogue na 'laua, ỹahota'ahi naua la'qaatqa. Vichiguiño' ná'maq seuanaxa 'ue nagui chicqochiquio' na'le cá'maq se re'xogui.

Hebreos 2:3

¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.

Hebreos 3:6

Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

Hebreos 5:8

Ca' so Cristo 'eno'm ỹaatqajam ñaalec, qam ỹovirau'a da le'xoric, ca' ỹa'den quiyim na'xaỹaxanta.

Hebreos 7:28

Da naqataxaquipi chicqo'ot so Moisés ishit ỹanashiguim ca qom saqa' nalogoñi co'it. Qam dá'maq ỹaanec la'qaatec na'le ñi qota'a, na' ime'uegue so naqataxaquipi, ca ỹanashiguim quiyim nashi quena netaxaỹaxanqajanqaipi so llaalec só'maq qaica ca lasauaxaset.

Hebreos 7:3

Ca so'maxare re'oq quiyim qaica ca leta'a, chaqai aca late'e, chaqai quecá'maq 'auaxaic leta'allipi. Chaqai se qaỹa'xat quiyim ne'qaañi, chaqai quiyim ileu. Ca chaqaida dá'maq 'neeta so'maxare, ca 'nejem da no'ueenataxac so llaalec ñi qota'a. Ca so'maxare se neme netaxaỹaxanqajnec quiyim retaxaỹa'pegue' ñi qota'a.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.

2 Pedro 3:3

Qam qamiri se couahitaque ma'le dajo: ma' quecaua co'uaataxanaxaqa na'xata', ca' 'ue ma'le ca qomyipi i'neetac ma'le dá'maq coñiguit na'qaatec, ma' queeta'pegue' dá'maq se no'uen 'ueenataxac.

Judas 1:18

na' 'nerac caqamiri: “Quecaua pa'aaterec na'xata', ca 'ue ma'le ca qom chaqai i'naari' dá'maq na'qaatec qoyiuelec, ca chaqai queeta'pegue' ná'maq la'deenataxanaxaquipi se no'uen.”