Hageo 2:9 - La'qaatqa ñi qota'olec Qota'olec & Qota'olec Novita Na Qomyipi

⁹ Najo co'uaataxanaxaic no'ueenaxanaxaqui paguec loyac ma'le queso 'auaxaic. Ca ma'le, ca' novi' nqaishin ca no'daxa quenajo. Ỹim na'gaxala' sqaica lqalanec, se'taxajñi da ỹa'qaatec. (2.10-14 Ñi qota'olec retaxaỹa so lalamaxareteripi se na'xaỹaxan.)

Hageo 2:9 Iomraidhean Croise

Isaías 60:7

Ná'ogue ana qagreta quiyi Cedar qalo'e' ma'le; na qagreta louaaripi quiyi Nebaiot rovinqui' ma'le, ca ma'le, ca 'ỹaañitot ñi qara'gaxala' quiyi lanatqa', ca' cajo name icoñi'chiguit, ca ñi'maxare ma'le paguec nqo'naxatec da loyac ñi lo'ueenaxanaxaqui.

Ezequiel 43:5

Ca na'le, ca' so lquesaxanaxa ñi qota'olec yanojshiguim, ca' yilla'ñi yi nedaaqa' pa'aauo, ca' seuana da lauaq ñi qara'gaxala' no'xataxachichigui ñi no'ueenaxanaxaqui.

Miqueas 5:5

Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)

Hageo 1:8

Mohi, quiipegueto naua qa' ladocahi, ca' huaxanaxañii quena qo'paq, ca' liỹa no'xoñiishiguim ñi no'ueenaxanaxaqui. Ca ma'le, ca' ñitoon, ca' sachaxan ma'le da iquesaxanaxa.

Hageo 2:3

—Ná'maq iuana só'maq 'auaxaic no'ueenaxanaxaqui quedá'ogue dá'maq loyac, ca ¿negue' ca 'ñiỹac quiñijo ñí'maq 'ue nagui coqomi'? ¿Mesqai 'ñiỹac quiyim najo qaica quet cá'maq laloxo quiyim qanaloqojñiguit so 'auaxaic?

Zacarías 2:5

Qam ñi qara'gaxala' i'taxajñi da la'qaatec: Ỹim shintari' ma'le ca nquepaqataxanaxat 'ec norec nahiquinchiguiñi yi na'a' lodegaxat Jerusalén, ca' quiyi lavinñi, ca' sachaxan da ỹauaq.

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 14:27

Qaidaata da neuagaxa 'ue quiyim shique'elo qamiri. Saañiỹaxarom da iuagaxa, qam sqai shine'tegue dá'maq 'ne'tegue na qom hueetalec na 'laua quena' ỹaan da leuagaxa. Sqaica huapigui qavillii, chaqai se ro'chii.

Hechos 10:36

Ñi qota'olec retaqaugui so llaxataxaipi so Israel, ỹa'xateta'guit da neuagaxa ỹachigoxochichigui so Jesucristo, ma' só ná'ogue na qom la'gaxala'.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Santiago 2:1

Qamiri ỹaqaỹa', ma' mashic viilec so chalego lecaic qara'gaxala' Jesucristo, ca' se ỹa'maxañi quiyim nca'aitagui na qomyipi.