Hageo 2:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca i'loxol nqaishin ma'le ná'ogue na ỹoreta'oguit qomyipi, ca' nodouo ma'le ná'ogue ná'maq hueeto'ot nesallaxa, ca' na qouagaxainaxaqui caỹim no'qaachigui queda lauaq. Ñi qara'gaxala' sqaica lqalanec i'taxajñi da la'qaatec:

Hageo 2:7 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

1 Reyes 8:10

Ca na' nenoxonec so netaxaỹaxanqajanqaipi quiyi noma' paguec lecaguiñi, ca' so naueguelec no'xagui nqai'en so no'ueenaxanaxaqui queso qara'gaxala'.

1 Reyes 8:11

Ca' sauaxat so naueguelec, ca' so netaxaỹaxanqajanqaipi se ishit hueetaugui ñi no'ueenaxanaxaqui quiyim ỹo'uet ca nqouagaxainaxac, ma' da lauaq ñi qara'gaxala' ỹaatqajam no'xataxachichigui aso no'ueenaxanaxaqui.

Isaías 2:19

Ma' ne'laxashiguim ñi qara'gaxala', ca no'xalec na 'laua queda nqolonaxa, na qomyipi i'guenou'guelo naua lauaco na qa', chaqai na temaipi quena 'laua; nañoxojñi ma'le queda chalego lichic loviraxac ñi qara'gaxala' qota'olec, queda lauaq quiyim nashi.

Isaías 60:4

Na'i'rashiguim, ca 'ajñi' naua'que naua lahil na ñi'sa'ñi: ná'ogue lapoỹata', ca nacpegue' qami'. Na qachaalaxai'ipi qoỹoqo'tegue na chicqa'gue; chaqai na qachaalli'ipi qanodoota qaiqa'aalto'ot.

Isaías 60:7

Ná'ogue ana qagreta quiyi Cedar qalo'e' ma'le; na qagreta louaaripi quiyi Nebaiot rovinqui' ma'le, ca ma'le, ca 'ỹaañitot ñi qara'gaxala' quiyi lanatqa', ca' cajo name icoñi'chiguit, ca ñi'maxare ma'le paguec nqo'naxatec da loyac ñi lo'ueenaxanaxaqui.

Ezequiel 31:16

Ma' soviraxachi'ña yi loiquenatec da nelauaxa, ma' llapooñiguit ná'maq shi'gue ileu, da lelamaxa ma' ỹoviriñi, ca' i'loxol nqai'en na ỹoreta'oguit qomyipi. Ca ná'maq pa'aatañi quena 'laua lo'yigui lauel ana qo'paq quiyi Edén, ná'maq paguec loyac chaqai paguec qaỹocoretalec quiyi 'oochi quiyi Líbano.

Hageo 1:8

Mohi, quiipegueto naua qa' ladocahi, ca' huaxanaxañii quena qo'paq, ca' liỹa no'xoñiishiguim ñi no'ueenaxanaxaqui. Ca ma'le, ca' ñitoon, ca' sachaxan ma'le da iquesaxanaxa.

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Lucas 19:47

Ca saua'que saua na'xata' so Jesús rapaxaguinataxantac caso no'ueenaxanaxaqui late'ogue'. Qam na lashillipi na netaxaỹaxanqajanqaipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qai'neeta na lashillipi na qomyipi, idaantaque ca la'maqa' quiyim ỹalauate' so Jesús.

Lucas 2:27

Ca' so Espíritu Santo ỹauec sojo ỹale quiyim tau'a nqai'en aso no'ueenaxanaxaqui late'ogue'. Ca' saua leta'al so noctoqui' Jesús co'na' qaỹodou'a añi no'ueenaxanaxaqui, qaiyi qaỹo'uet ná'maq qoỹeretañi nelaataxanaxaquipi,

Lucas 2:46

Ca co'na' mashic ỹovirerec saua tres na'xata', ca' qaỹanata so'maxare, hueetaugui aso no'ueenaxanaxaqui late'ogue', nqa'xantañi, reloqotaugui só'maq rapaxaguinataxanta'pegue na nelaataxanaxaquipi, na'xaỹaxantapega chaqai 'uo' na nenataxanaxaquipi.

Lucas 20:1

Ca' 'uo' so na'xa'a co'na' so Jesús hueetaugui aso no'ueenaxanaxaqui late'ogue' quiyi Jerusalén, rapaxaguinataxantac queso qomyipi, chaqai ỹa'xatetac da na'qaatec chicqaugui da nca'laxa. Ca novirero sauá'maq la'gaxalate' na netaxaỹaxanqajanqaipi quena' qaretaxaỹa'pegue' ñi qota'a chaqai ná'maq rapaxaguinataxanta'pegue na naqataxaquipi chaqai so qo'xoiquipi.

Lucas 21:38

Ca ná'ogue na qomyipi o'teetau'a quiyi nete'etam aso no'ueenaxanaxaqui late'ogue', ỹahotaque na'xaỹaxana so'maxare.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Gálatas 3:8

Ma' naua naneresañi la'qaatqa ñi qota'a ma' shi'gue idaansa'a dajo quiyim qai'neeta ná'maq sqai judío laseripi, ca' ñi qota'a ỹa'maxarenta ma'le ná'maq 'ue ca lpi'ỹaxac. Ca' naua naneresañi na'qaatqa 'nerac queso Abraham quiyim: “Ná'ogue na ỹoreta'oguit qomyipi 'ue ma'le ca nqouagaxa chicqotougui aqami'.”

Colosenses 2:9

Ma' dá'ogue dá'maq no'ueenataxac ñi qota'a ỹaatqajam hueetagui da nachaalataxac so Cristo.