Hageo 2:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' chaqaida dá'maq shinac na'le na' noxoñiuec quiyi Egipto, qaica ca ro'chiỹaque, ma' so ñi'espíritu liỹareta'pe qamiri ma'le.

Hageo 2:5 Iomraidhean Croise

Éxodo 19:4

“Qamiri huañichigui dá'maq shine'tegue na'le so Egipto laseripi, chaqai dá'maq shine'teguelo qamiri na' ñauegalo qamiri ná'maq senta'ñi, 'ec quiyim ñiitalgoto caua laua' ca o'ic.

Éxodo 19:6

Ca' qamiri 'ñiitari' ma'le ca qomyipi netaxaỹaxanqajanqaipi quiyim qaretaxaỹa'pegue' aỹim quena ỹoreta'oguit qomyipi. Chaqai 'ñiitari' ma'le ca qomyipi qaỹoỹoota'oga, ca qoỹaanot aỹim.” Ca' dá'ogue dajo 'xachi'o' ma'le quena Israel llaalqaipi.

Éxodo 24:3

Ca' so Moisés eec, ca' ỹa'xato' quesá'ogue so qomyipi dá'maq qohinapego' quiñi qara'gaxala'. Ca sá'ogue 'naaco': —¡So'ueetaq ma'le cá'ogue cá'maq 'naac ñi qara'gaxala'!

Éxodo 24:8

Co'na' ime, ca' so Moisés ỹaconalo' saua leuo', ca iñitaxajlec sá'ogue so qomyipi. Ca 'naaco': —Nauajo leuo' chaqainaua nauá'maq i'taxachiñi quiyim ñi qara'gaxala' mashic na'maxajto qamiri, quiichiguilo nqai'ne' naua'que nauajo la'qaatqa.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 41:13

Ma' ỹim, ỹim na'gaxala' qota'olec caqami', ỹim secona da rqai'laxachi'; ỹim shinac caqami': Totaxan ro'chi'i', ỹim sotauañi'. (41.14-29 Ñi qota'olec queetapegueu'a na nashiilqaipi nqolaquipi.)

Zacarías 4:6

Ca na'le, ca' so'maxare queetalec da letaxaỹaxac, 'naac: 'Neetasa' dá'maq letaxaỹaxac ñi qara'gaxala' taỹa'a so Zorobabel: Mesqai qaỹahote'e ca ỹalliripi nalauataxairipi chaqai da nquesaxanaxa, ta'ta'a quiyim qaỹahote'e so ñi'Espíritu, 'naac ñi qara'gaxala' sqaica lqalanec.

Mateo 28:5

Co'na'le, ca' so nelaatec piguim le'ec 'naaco' quesaua 'aalo: —Totaxan ro'chii, ma' ỹim sa'den quiyim daañitaque ca Jesús cá'maq qaipateno na'le.

Hechos 27:24

Ca' so nelaatec 'naapiguiỹa': “Qami' Pablo, totaxan ro'chi'i', ma' ipacalec quiyim vichira'a ma'le ñi nashi na'ñi yi Roma. Vichiguiño' ma' chaqaqami' ná'maq 'em quiyim ñi qota'olec nca'laxatec ma'le ná'ogue ná'maq neetañigui ana rahiri.”

Josué 1:9

Ỹim ná'maq selachi' quiyim na'ñaxachi' chaqai se ileuapigui qavilli'. Se ro'chi'i' chaqai se reualliriñi, ma' ỹim ra'gaxalachi' qota'olec caqami', ca ỹim ñauequeta'pegue' qami' quecanchaqa 'itegue.

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.