Hageo 2:2 - La'qaatqa ñi qota'olec Qota'olec & Qota'olec Novita Na Qomyipi

² Ca' ỹilen quiyim 'naapega so Zorobabel chaqai so Josué chaqai so liỹa qomyipi quiyim inat so qomyipi:

Hageo 2:2 Iomraidhean Croise

Esdras 1:8

Ca' so Ciro ỹopilaxat, ỹodo nqai'en so Mitrídates só'maq neloxoỹaq caso lam. Ca so'maxare na' ime naloqochin, ca' ỹaanem so Sesbasar só'maq nashi reloqota'a yi Judá.

Esdras 3:2

Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.

Nehemías 8:9

Ca ma' sá'ogue so qomyipi noỹentagui na' ỹaatqajam ỹa'yiinchigui dá'maq reloqo'tegue so naqataxaquipi, vire'ta na' so nashi Nehemías, chaqai só'maq napaxaguinataxanaq chaqai netaxaỹaxanqajnec Esdras, chaqai só'maq notaanaxanyipi chigoxougui so Leví, só'maq ichoxotetapeguem so qomyipi da leloxoỹaxac da naqataxaquipi, saua'maxare 'nerapega sá'ogue so qomyipi quiyim se rachicota chaqai se noỹentagui, ma' sojo na'xa'a lalamaxaret ñi qara'gaxala' ñí'maq qota'olec queso qomyipi.

Hageo 1:1

Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué.

Hageo 1:12

Ca' so Zorobabel, Josué chaqai so liỹa qomyipi ỹaatqajam 'xoic da lqolonaxa na' 'xaỹalo naua la'qaatqa ñi qota'olec queso letaxaỹaxaqui Hageo, dá'maq chilnataxanco' ñi qara'gaxala' qota'olec quiyim qaỹa'xat.

Hageo 1:14

Ca' chaqaido' da 'ne'tegue ñi qara'gaxala' quiyim ỹa'ñaxatetalec so Zorobabel só'maq nashi quiyi Judá, chaqai so Josué só'maq lashi na netaxaỹaxanqajanqaipi, chaqai sá'ogue so liỹa qomyipi na' ỹovi' 'óna ñaaxa, cinco shiriguiri, chaqai veinticuatro na'xata' quiyim nashi so Darío quiyi Persia. Ca' taañi so qomyipi quiyim liỹa no'xonshiguim so 'imec nqouagaxainaxaqui quiñi qota'olec sqaica lqalanec.