Hageo 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Mohi, quiipegueto naua qa' ladocahi, ca' huaxanaxañii quena qo'paq, ca' liỹa no'xoñiishiguim ñi no'ueenaxanaxaqui. Ca ma'le, ca' ñitoon, ca' sachaxan ma'le da iquesaxanaxa.

Hageo 1:8 Iomraidhean Croise

1 Reyes 6:1

Ca' so Salomón no'xonshiguim aso no'ueenaxanaxaqui quiyim qanqouagaxainot ñi qara'gaxala' co'na' ỹovi' cuatro ñaxari quiyim lashi so Israel llaalqaipi, na' ỹovire'oga so shiraigo leenaxat Ziv só'maq co'uaataxanta queso 'auaxaic shiraigo quiyi ñaaxa. Ca queco'na'le mashic ỹovi'o' cuatrocientos ochenta ñaxari na' so Israel llaalqaipi ca'e yi Egipto.

Esdras 3:7

Ime, ca' qaishiueten so 'imec lo'ollipi chaqai so qomyipi ichaqapigui na qo'paq, chaqai qaỹa'ue na loq, ne'taxat, chaqai ne'aceite so qomyipi na'gue da Tiro chaqai da Sidón, qaiyi ỹachigoxota'ñi yi Líbano na qo'paq cedro, quiñigui nqai'en aso huaaxai, ca' taita'a nqai'en yi na'a' Jope, ma' chaqaido' dá'maq 'naaco' na'le so nashi quiyi Persia.

Esdras 6:4

chaqai tres llico nqohin ca qaỹo'xoñiñi quena ỹaatqajam leta'al qari, chaqai 'oonoqui' nqohin ca qaipa'xanashiguim quena qo'paq dalaxaicolec. Ca' qarishiuetenaxana ma'le ana ỹam.

Isaías 60:13

Ñi qara'gaxala' qota'olec 'naapega yi Jerusalén: Da lesallaxa yi 'laua Líbano qanoda'a qami' ma'le: na qo'paq leenaxat pino, abeto chaqai na ciprés, qaỹahotaque qano'ueenaxat ñi ỹo'ueenaxanaxaqui, qaiyi 'ue ca lauaq yí'maq ico'ỹaaqa'.

Isaías 60:7

Ná'ogue ana qagreta quiyi Cedar qalo'e' ma'le; na qagreta louaaripi quiyi Nebaiot rovinqui' ma'le, ca ma'le, ca 'ỹaañitot ñi qara'gaxala' quiyi lanatqa', ca' cajo name icoñi'chiguit, ca ñi'maxare ma'le paguec nqo'naxatec da loyac ñi lo'ueenaxanaxaqui.

Hageo 1:7

Ỹim na'gaxala' sqaica lqalanec shinac caqamiri quiyim ỹaatqajam 'ajñita dá'maq 'ñiitari'.

Hageo 2:7

Ca i'loxol nqaishin ma'le ná'ogue na ỹoreta'oguit qomyipi, ca' nodouo ma'le ná'ogue ná'maq hueeto'ot nesallaxa, ca' na qouagaxainaxaqui caỹim no'qaachigui queda lauaq. Ñi qara'gaxala' sqaica lqalanec i'taxajñi da la'qaatec:

Hageo 2:9

Najo co'uaataxanaxaic no'ueenaxanaxaqui paguec loyac ma'le queso 'auaxaic. Ca ma'le, ca' novi' nqaishin ca no'daxa quenajo. Ỹim na'gaxala' sqaica lqalanec, se'taxajñi da ỹa'qaatec. (2.10-14 Ñi qota'olec retaxaỹa so lalamaxareteripi se na'xaỹaxan.)