Hageo 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qamiri 'xoic ná'maq qadañicshiquii, qam sqa lo ná'maq naqachii ala na'maxare; qui'iitac, qam se rquemari; ni'chiitac, qam se neme na raquipii; ñiiñi naua pa'iichiguilo qatoohi, qam se npa'eeuec na roshicmaxahi; chaqai ná'maq ro'ueenataxanaxaguii laseue' lliỹa'ñigui ana qachoxoguii huacnaxa.

Hageo 1:6 Iomraidhean Croise

1 Reyes 17:12

Ca aso'maxare 'naaco': —Da ỹa'qaatec 'qaachigui ñi qara'gaxala' qota'olec quiyim qaica ca pan ratooxoic. Chaqai ỹaatqajam cocho'qui' yi ñi'aríña lichooqui' hueetagui añi lahi', chaqai da cocho'qui' 'aceitoqui'. Ca' nagui llapoonta'pe naua qo'parolqai'. Ca' so'uet aca ỹaqaulata, qaiyi que'e ñi ỹaalec chaqai aỹim. Ca ma' ime, ca' qareleu ma'le quena qarqopaaxa.

Nehemías 5:2

Ma' 'ue na 'naac 'xoic na llaalqaipi chaqai na llaallipi chaqai ỹouentaque ca trigo, qaiyi se ỹalauat na lqopaaxa.

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Isaías 5:10

Ca logoñom nanaxanqa' 'uva loma', quiyim qaỹo'uet ca lataxa, se ỹovi' ma'le veinte litro ca nenoxonec lataxa. Chaqai cana diez ñoxoquio'lli' cana trigo la quiyim qoỹanñi, ca 'oono'lli' aca nenoxonec ma'le ma' qanaqat.

Jeremías 14:4

Na no'ueenaxaseripi qaỹachiguiñi chaqai ỹapogui na lqahic, ma' qaica ca ỹaxat chaqai na 'laua chalego na lashiviaxa.

Jeremías 44:18

Qam na' saxanaxañi quiyim sahoqe na qarichiinaxanaxat chaqai na qarachitaxanataxanaxat lataxa cañi qarashiila lashi na piguim, ca' qaica ná'ogue coqomi', chaqai na qouo' ỹalauat na lqopaaxa loqo'm ileu quena lauataq.

Hageo 1:10

Vichiguiño' sqaica ca ỹaxat caqamiri, ca' na 'laua se ishit ỹa'ue ca ala na qadañicshiguii.

Hageo 1:5

Ỹim na'gaxala' sqaica lqalanec, shinac nagui caqamiri quiyim ỹaatqajam, 'ajñita dá'maq 'ñiitari'.

Hageo 1:7

Ỹim na'gaxala' sqaica lqalanec shinac caqamiri quiyim ỹaatqajam 'ajñita dá'maq 'ñiitari'.

Hageo 1:9

Qamiri ỹaatqajam 'xoic da rimiitaxanaxaguii, qam sqa lo ná'maq nachiỹa; chaqai ná'maq 'maxachii quenauá'maq qauootori, ca chaqa'ma' spe'teuec. ¡Ca' có, sqaica! ¿Chi'negue? ¡Sá'ic!, ma' ñi iuo' nqouagaxainaxaguii ñaqaiñi saqa' qanadalaxashiguim, qam qamiri nquipichita'pegueto 'maxachiñi nauá'maq chi ra'aachiri. Ỹim na'gaxala', se'taxajñi da ỹa'qaatec.

Hageo 2:16

¿negue' cá'maq 'neeto' quen caqamiri? Ma' quena' 'ue ñi eec quepegue' ca lapoonec, 'neetapega quiyim ỹovi' veinte bolsas queca lanecsec ala, qam diesolli' bolsas caua no'xaguilo; chaqai quena' 'ue ñi quepegue' ca no'ueetqa' na lataxa, 'neetapega quiyim ỹovi' cincuenta aca nehoma no'xataxat, qam veintolli' caua no'xataxate'.

Hageo 2:17

Ỹim ñopoxoỹaxajñi ná'ogue ná'maq chicqaugui dá'maq na'ñaaqataxaguii, sahote'e na nichigaxanaq chaqai ana qalachi, qam se rapilliỹa aỹim. Ỹim na'gaxala', se'taxajñi da ỹa'qaatec.

Zacarías 5:4

Ñi qara'gaxala' sqaica lqalanec i'taxajñi da la'qaatec: Ỹim selatalo qamiri dajo se no'uen, qaiyi inoxonaugui ca lauo' ca cuataxai chaqai ca lauo' cá'maq ỹaanec ca la'qaatec nallitalta', qam se ipacqajñigui, ỹiquetapigui da ỹeenaxat. Ca dá'maq se no'uen chaqaiyi hueeta'ñi chaqai ỹovireto'o' ma' tot qaica ca niquiaq chaqai ca qa'.