Hageo 1:1 - La'qaatqa ñi qota'olec Qota'olec & Qota'olec Novita Na Qomyipi1 Na' ỹovi' 'óna ñaaxa, cinco shiriguiri, ca' queso 'auaxaic na'xa'a queso liỹa shiraigo na' neetaho quiyim nashi so Darío quiyi Persia, ca' ñi qara'gaxala' retaqaugui so letaxaỹaxaqui Hageo. Ỹaatqajam 'naapega so nashi ỹoiquentac yi 'laua Judá, só'maq llaalec so Salatiel, leenaxat Zorobabel, chaqai so lashi na netaxaỹaxanqajanqaipi, llaalec so Josadac, leenaxat Josué. Faic an caibideil |
Hageo 1:1
41 Iomraidhean Croise
Co'na'le, ca' so Josué, llaalec so Josadac, chaqai so liỹaripi netaxaỹaxanqajanqaipi, chaqai so Zorobabel, llaalec so Salatiel, chaqai so lauo' laseripi, eec, ca' no'xonshiguim aso ncopatoxonaxalate quiñi qota'olec quiyi Israel, qaiyi qarcopatoxonlec aso'maxare quiyim qaỹo'uet dá'maq relaataxanlec na'le so Moisés só'maq nale ñi qota'olec.
Ca' so Zorobabel só'maq llaalec so Salatiel, chaqai so Josué só'maq llaalec so Josadac, chaqai so nauegaxauaripi netaxaỹaxanqajanqaipi chaqai so lotauaripi só'maq llaalqaipi so Leví, chaqai sá'ogue so na'aquipi na'le rapila yi Jerusalén, taañi quiyim liỹa no'xonshiguim ñi no'ueenaxanaxaqui quiñi qota'olec queso co'uaataxanaxaic shiraigo queso liỹa ñaaxa na' ỹovi' quiyi Jerusalén, ca' ra'ilec nqohin da no'ueenataxanaxac só'maq llaalqaipi so Leví, qanca'au'a ná'maq napacalgoto yaua veinte ñaxari.
qoyicpegueto saua Zorobabel chaqai so Josué chaqai so liỹa na'gaxalateripi. Ca' qohinaco': —'Maxariñita quiyim sotauanaxe' qamiri so'xonaxanqapego, ma' qomi' shinqata qamiri, ma' qomi' se'guenqot qai'neeta ñi qota'olec chaqai saanqatacot quiyim savigaxataq ana qarachitaxanataxanqate, chicqochi'ñi na' ñaq nashi so Esar-hadón quiyi Asiria só'maq nauegalo qomi' najo 'laua.
Qam so Tatnai só'maq nashi quiyi 'laua pa'ỹa'gue na lauashiguim caso lachiugue Eufrates, chaqai so Setar-boznai, chaqai so lotauaripi, sá'ogue eec, ca 'naaco': —¿Negue' ca 'naapegalo' qamiri quiyim no'xoñishiguim na no'ueenaxanaxaqui chaqai pohilec quena qo'paq? ¿Negue' ca leenaxat na qomyipi no'xontecshiguim na 'imec?
Ca' quedajo, ca' so la'gaxalateripi so judioipi lotqai quelec quiyim no'xonshiguim aso no'ueenaxanaxaqui, ipaquichigui nqohin dá'maq la'qaatec so letaxaỹaxaquiripi ñi qota'olec, so Hageo chaqai so Zacarías só'maq llaalec so Ido. Ca' qaỹomat añi no'ueenaxanaxaqui, ipaquichigui nqohin dá'maq la'qaatec ñi qota'olec queso llaalqaipi so Israel, chaqai dá'maq 'naac so Ciro, Darío chaqai so Artajerjes, nashil quiyi Persia.
Ca' ỹovirerauec saua doce ñaxari, chicqochi'ñi na' ỹovi' veinte ñaxari quiyim nashi so Artajerjes na' yayano quiyim ỹim lashi ná'maq neeta'ñi yi 'laua Judá, ca' chi ỹovireta'a quiyim ỹovi' treinta y dos ñaxari quiyim nashi so'maxare, ca' ỹim chaqai na ỹotauaripi se ỹauanapega quiyim so'laxanaxague añi nishiuete ca nashi.
Ca ma' sá'ogue so qomyipi noỹentagui na' ỹaatqajam ỹa'yiinchigui dá'maq reloqo'tegue so naqataxaquipi, vire'ta na' so nashi Nehemías, chaqai só'maq napaxaguinataxanaq chaqai netaxaỹaxanqajnec Esdras, chaqai só'maq notaanaxanyipi chigoxougui so Leví, só'maq ichoxotetapeguem so qomyipi da leloxoỹaxac da naqataxaquipi, saua'maxare 'nerapega sá'ogue so qomyipi quiyim se rachicota chaqai se noỹentagui, ma' sojo na'xa'a lalamaxaret ñi qara'gaxala' ñí'maq qota'olec queso qomyipi.
Ca' chaqaido' da 'ne'tegue ñi qara'gaxala' quiyim ỹa'ñaxatetalec so Zorobabel só'maq nashi quiyi Judá, chaqai so Josué só'maq lashi na netaxaỹaxanqajanqaipi, chaqai sá'ogue so liỹa qomyipi na' ỹovi' 'óna ñaaxa, cinco shiriguiri, chaqai veinticuatro na'xata' quiyim nashi so Darío quiyi Persia. Ca' taañi so qomyipi quiyim liỹa no'xonshiguim so 'imec nqouagaxainaxaqui quiñi qota'olec sqaica lqalanec.
Sanasan