Génesis 9:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam 'uo' na 'oonoqui', ca' sqa 'guii: na la'at saqa' nague' naua leuo'. Ma' naua leuo' chaqainaua naua hueetauguilo da nca'laxa.

Génesis 9:4 Iomraidhean Croise

Ezequiel 33:25

Ca' nagui qami' 'ñirapega: Da la'qaatec ñi qara'gaxala' 'neetasa': Qamiri 'guiitac na la'at 'ue na leuoripi, shiilaitac na nashiilec nqolaquipi, chaqai lauataxañii, ca ¿'ñiitapega quiyim ralamaxarichii ma'le najo 'laua?

Hechos 15:20

Chaqaidaata quiyim sauqo' aca qoderecse quiyim shinqapega se ỹa'ic ca na'ic mashic qoỹaanot ca nashiilec, chaqai se nocachita'ta' ca ỹale chaqai aca 'aalo, chaqai se ỹa'ic ca la'at ca isecỹac sqai nague' caua leuo', chaqai se ỹa'gue' caua neuo'.

Hechos 15:25

Vichiguiño' 'maxaraic nqaishinaq quiyim qomi' ña'deenaxata', ca' vii naua seconaxau'alo qarqaỹa', ca que', ra'ajnaxanalo qamiri, liỹareta'pe naua qanauochaxaua' qarqaỹa' Bernabé chaqai na Pablo.

Hechos 15:29

sqa 'guii ca la'at ca mashic qoỹaanot ca nashiilec, chaqai qai'neeta sqa 'guii caua leuo', chaqai ca la'at ca isecỹac ỹauego lqosot, chaqai se nocachita'ta' ca ỹale chaqai aca 'aalo. Ca no'm 'viichii' nauajo 'maxachi'teguelo, ca 'maxaraic. Hua', ca chaqaidaata.”

Deuteronomio 12:16

Qam sqa 'guii naua leuo', ta'ta'a quiyim corilec na 'laua, 'ec nqai'ñii ca huaxaỹaq. (12.17—13.5 Qaica ca liỹa lanatqa' ñi qota'olec.)

Deuteronomio 14:21

Totaxan a'guii ca isecỹac quiyim chi nanoiquentac ileu, ma' qamiri ỹaatqajam co'teete' nqai'ne' ñi qara'gaxala' qota'olec caqamiri. Qam shichii 'ỹaañim cá'maq ỹoqa'a ca chicqa'gue ỹalequetauguilo qamiri queca ñiita'ñi, ca na'maxare ishit ỹa'ic chaqai ishit qaimeenem cá'maq ỹoqa'a ca chicqa'gue quiyim chaqai quejlgoto qamiri. Sqai ñiiuaq ca quetaq llaalec huoshaxañiỹalo caua lo'i' aca late'e.

1 Timoteo 4:4

Ma' ná'ogue ná'maq lo'ueenatec ñi qota'a ỹaatqajam 'xoic loyac chaqai mese lliỹoxosqa'piguit. Ta'ta'a quiyim seconaxaguit, ca saanqatacot da qana'aachic ñi qota'a.