Génesis 9:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca 'naaco' queso'maxare: ¡Ỹaatqajam nishiuenec ma'le ñi Canaán! ¡Ca ñi'maxare chi na'ac ma'le quenaua dos lqaỹa'!

Génesis 9:25 Iomraidhean Croise

Génesis 3:14

Co'na'le, ca' ñi qara'gaxala' qota'olec 'naaco' queso nanaic: —Qami' ma' 'viichi'o' dajo, ca' se no'uen da qayicyaxaqui', mesqai 'ñiite' ná'ogue na liỹa iseripi. Nagui, ca chicqochi'ñi quiyim nqai'qui'segueri', chaqai 'qui'sac na lamoxoỹaxa na 'laua.

Génesis 4:11

Vichiguiño' nagui, ca' se no'uen da qayicyaxaqui', chaqai qaro'yirauec quenajo 'laua ỹaqane'o' na'le caua leuo' ca rqaỹa'e' cá'maq lauachi'o' na'le.

Génesis 49:7

¡Se no'uen da nayicyaxague', ajá'a, ỹaatqajam se no'uen, sauaxat da lonogoxonaxague' quiyim qaican quepaxat! ¡Seuagaxaterec ma'le daua'maxare quená'ogue na llaalqaipi na Israel!

Génesis 9:18

So Sem, Cam chaqai so Jafet llaalqa so Noé, nenoxondec, chicqoraugui aso nahi'. Ca' so Cam chaqaiso' so leta'a so Canaán.

Génesis 9:22

Ca' so Cam só'maq leta'a so Canaán co'na' iuane'ta so leta'a Noé neetauec, ca' quepegueto saua dos lqaỹa', ca ra'qaataxanalo.

Génesis 9:24

Ca' so Noé co'na' ime'uegue so lquiñiuquichi, ca nelouec. Ca ỹa'deeno' dá'maq 'neeto' na'le so llaalec na'aasa.

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Juan 8:34

Ca' so Jesús 'naaco' quesaua'maxare: —Ỹaatqajam lliqueta dá'maq shinac caqamiri, quiyim ná'ogue ná'maq ỹo'ueetetac ná'maq ne'taxaloxo, na'maxare la'aquipi da ne'taxaloxo.

Deuteronomio 27:16

Ñi qota'olec ỹo'uet ca nouaxanaxaset cá'maq se nqo'ta ca leta'a chaqai aca late'e. Ca ná'ogue na qomyipi 'naac: Ajá'a, chaqaida 'neeta dajo.