Génesis 9:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' so Sem chaqai so Jafet ỹacoonta aso nepooto, ca ipeguenlgoto naua lallaaco napoosa'ña, ca' ỹapoorelec so leta'a', qoshiisauo, ỹoqa'a ca ra'iisa'gue, qaiyi se iuanta so'maxare quiyim neetauec.

Génesis 9:23 Iomraidhean Croise

Génesis 9:22

Ca' so Cam só'maq leta'a so Canaán co'na' iuane'ta so leta'a Noé neetauec, ca' quepegueto saua dos lqaỹa', ca ra'qaataxanalo.

Génesis 9:24

Ca' so Noé co'na' ime'uegue so lquiñiuquichi, ca nelouec. Ca ỹa'deeno' dá'maq 'neeto' na'le so llaalec na'aasa.

Éxodo 20:12

Na'xaỹaxañita ca qataa'i' chaqai aca qachii'i', qaiyi ladoc aca rqauaxagui'i' quena 'laua ná'maq saanem qami' ỹim ra'gaxalachi' qota'olec.

Levítico 19:32

Nachaachiriñi, chaxañi' quiyim 'ue nqai 'negue nqai'ñi' ca qo'xoic. Chaqai chaxañi' quiyim se napaquiralec aỹim, ma' ỹim qota'olec caqami'. Ỹim ná'maq ỹim na'gaxala'.

Romanos 13:7

Vichiguiño' quiñi 'óna qom qoỹaanem cá'maq laloqo' cá'maq lalamaxat. Quená'maq hueeto'ot aca na'uale quená'ogue ná'maq tai'a quiyim qaishiueten, ca chaqa'ma' qaishiueten. Chaqai quecá'maq qaỹa'maxate'tegue, ca 'maxachi'tegue. Chaqai cá'maq qaimaqajan, ca' maqachiiñi.

Gálatas 6:1

Qamiri ỹaqaỹa', no'm 'ue ca 'óna caqamiri ỹo'ma'guit ca lasauaxaset, ca' qamii ma' mashic ta'ñiguilo so Espíritu, ca' tauañii, qaiyi ne'laxashiguim. Qam chicqochigui nqai'ñii añi re'taxanatahi ca neneequesenaxaguii. Chaqai ca 'óna no'm ỹo'uet, qam netelañi, 'neeto' lotqai ca'maxare qai'neeta qai'guen.

1 Timoteo 5:1

Mesqai chaqa'ma' taqaira'a ca qo'xoic, ta'ta'a quiyim qaichireta quecá'maq qohinapega qohinta'gue cá'maq ỹaatqajam neta'a. Chaqai ná'maq ne'naqaipi, ca qohinta'gue ca ỹaatqajam nqaỹa.

1 Timoteo 5:17

Ná'maq na'gaxalateripi quiyim ỹa'den da lcochaxac quená'maq mashic icoñiguit da na'qaatec, ca'maxare ỹaatqajam qaỹauotegue chaqai qaỹotauan, pagueco' no'm quelec quiyim ỹa'xate' naua la'qaatqa ñi qota'a chaqai rapaxaguinataxanguelo.

1 Timoteo 5:19

Se na'xaỹaxañita cá'maq chi npa'guenaxac ca la'gaxala' ná'maq mashic icoñiguit da na'qaatec, ta'ta'a no'm 'vii caua dos loqo'm tres caua ra'qaataxane'.

1 Pedro 2:17

Qaica ca napaguiỹalec, 'maxachii'tegue ná'ogue na qomyipi. Chaqai 'xoriñii ná'maq mashic icoñiguit da na'qaatec. Ro'chiỹa ñi qota'a, chaqai se napaguiỹalec ca lashi na nashillipi.

1 Pedro 4:8

Qam quená'ogue ỹaatqajam ne'xoriñiỹata' qamiri, ma' da ne'xorenataxanaxa 'xoic na nasauaxaset ỹapalaxat.