Génesis 9:1 - La'qaatqa ñi qota'olec Qota'olec & Qota'olec Novita Na Qomyipi

¹ Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Génesis 9:1 Iomraidhean Croise

Génesis 1:22

Ca' ỹaanec da no'uen la'qaatec quená'maq lo'ueenatec iseripi, 'naaco': Ỹaatqajam 'xoic ma'le ca llaalqaipi, no'qaachigui ma'le ana huaaxai; chaqai 'xoic ana ỹo ma'le quena 'laua.

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

Génesis 10:32

Ca' ná'ogue najo ná'maq llaalqaipi sauá'maq llaalqa so Noé, ná'ogue ỹaatqajam neuo' laseripi, qam ỹaatqate' nauá'maq chi la'aate'. Co'na' mashic ime'uegue so nqodoc, ca' neuagaxajlec na 'laua, ca' ỹaatqate' nauá'maq chi la'aate'.

Génesis 2:3

Ime, ca ỹanegue sojo pa'aatec na'xa'a quiyim le'xorenataxanaxaqui, ca ỹoỹoote'oga quiyim qaimaqachin so na'xa'a, ma' sojo na'xa'a chaqaiso viichigui na' nco'matec quená'ogue na lo'ueenatqaipi.

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 8:17

Chaqai naqachirec qai'neeta ná'ogue na iseripi neetaugui ana rahichi': na ỹoipi, chaqai iseripi neloipi, chaqai ná'maq nqai'queetegueri', qaiyi quelec ná'ogue na 'laua. Ca' ỹa'ue na llaalec, ca no'xataxajlec na 'laua.

Génesis 9:19

Ca' chaqaisaua saua tres llaalqa so Noé. Ca' queso llaalqaipi saua'maxare, ca lotqai liỹa no'xalec na 'laua.

Génesis 9:2

Ná'ogue na isecỹac quena 'laua i'loxoltari' ma'le quena lqolonaxa caqamiri. Ná'ogue na ỹoipi chaqai na hueetalec na 'laua, chaqai cana huaaxai, ná'ogue saanema qamiri quiyim 'viiquiñitac.

Génesis 9:7

Qam qamiri 'xoico' nqai'ñii ca qachaalguii, ca' no'xataxachilec na 'laua.