Génesis 8:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Génesis 8:21 Iomraidhean Croise

Génesis 3:17

Chaqai 'naaco' quesó'maq ỹale: —Sauaxat ma' na'xaỹaxañiteto' ada roua'e' co'na' 'qui' aca la ada qo'paq dá'maq shinac quiyim sqa 'qui', ca nagui na 'laua huaalec na se no'uen sauaxat qami'. Ỹaatqajam 'ue da na'ñaaqataxaqui' quiyim 'ueenataxañi', ca' qaigueme 'ue ca qanoqe' quenaua'que naua na'xata' queda nachaalataxaqui'.

Génesis 4:12

Ca 'eno'm 'viichi'sac na 'laua, qam tot qaca ma'le aca la. Ca chaqai huoxoñi'sac ma'le ana 'laua qaica ca ra'aachi', chaqai qaica ma' shichi' quet quiyim nco'machirec.

Génesis 5:29

ca ỹanco' leenaxat Noé. Ma' 'naaco': Ñi qara'gaxala' huaalec nqai'en da se no'uen na 'laua. Ca' ỹaatqajam resalli nqai'en da qaro'ueenataxanaxac quiyim so'ueetaq na 'laua. Qam najo noctoqui' ỹo'uet ma'le quiyim ñco'mataxauec.

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Génesis 6:17

Ma' ỹim ñila' ma'le ca ỹaxat, ca' i'paxanlec nqai'en na 'laua. Ca nomajñi ma'le ná'ogue ná'maq 'ue na lacat quenaua'que naua lahil na 'laua. Ca ná'ogue ná'maq hueetalec ana 'laua ileu ma'le.

Génesis 6:5

Ca ñi qara'gaxala' qota'olec co'na' ỹa'ajantac quiyim paguec se no'uen da loic na qomyipi quena 'laua, ma' na'maxare ỹaatqajam queetalec quiyim ỹa'deentaque ỹo'uet ná'maq se no'uen.

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

Job 14:4

Qaica quet cá'maq ishit ñigui co'teeta nqai'en ca napio'o.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Isaías 53:6

Ca qomá'ogue so'maqac, 'ec qomi' qagretaipi, quiñi 'óna queeta'pegue' cá'maq chi la'deenataxanaxac, qam ñi qara'gaxala' illaalec so'maxare sá'ogue só'maq se no'uen hueetaguilo qomi'.

Jeremías 18:12

Na qomyipi ishit 'naapega qami' ma'le: ¡Qaica quet cá'maq 'neeta quiyim taqai'sac! Qomi' sapacqajanqauec dá'maq qomi' qarqo'ta, qolqatalec dá'maq se no'uen taata'gue añi qare'taxanata. (18.13-23 Qaỹa'xalentac so Jeremías. Da nqouagaxainaxac so Jeremías.)

Mateo 15:19

Ma' añi le'taxanata chicqa'ña ná'maq se no'uen na'deenataxanaxac, 'neetasa': qaỹalauat ca liỹa qom, lapaatapi'ñi' aca se loua, nedequentac, da nocataxac, da na'maachic, chaqai quiyim qainaqatac ca liỹa.

Juan 3:6

Cá'maq chaqai llaalec cá'maq chaqai qom, ca' ca'maxare qom, qam cá'maq chicqaugui da ne'xaỹoqsoxoc so Espíritu Santo, ca' ca'maxare ỹantañi da no'ueenataxac só'maq Espíritu.

Romanos 1:21

Ma' na'maxare mashic ỹa'den ñi qota'a, qam sqai 'neeta'gue quiyim chaqaiñi ñi qota'olec, chaqai sqai ỹaantacot da na'aachicyaxac. Ta'ta'a quiyim ỹa'deentapega ná'maq sqaica ca 'negue, chaqai añi le'taxanata ỹo'meetam, hueetagui na 'eco' napalaxa.

Romanos 3:23

Ma' ná'ogue na qomyipi 'ue na lasauaxaset, chaqai quiyim qoỹoqo'ta queda lca'laqataxanaxac ñi qota'a.

2 Corintios 2:15

Ma' qomi' shinqatari' ca lo'daxa lahita ca lichiinaxanaxat so Cristo quiyim ỹaanot ñi qota'a, dá'maq lahita quena' ỹaỹoxonec, ca' ỹoviraugui ná'maq mashic nca'leuec nqohin chaqai ná'maq ñaqai hueetaugui da no'maxac.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Filipenses 4:18

Ma' ỹim mashic shi'gue paguec ana secoñiguit quecá'maq ñotauanaxac quet, ca cá'maq qanela' na'le queso Epafrodito aso'maxare ỹaatqajam nalau'a ná'ogue ná'maq souentaque. Ca' sojo rotaanaxanqachii aso'maxare 'nejem ca nichiinaxanaxat lo'daxaraic lahita quiyim qaỹavigaxat, ca' qoỹaanot ñi qota'a, ca ỹa'maxarenta ñi'maxare.

1 Juan 5:19

Sa'deenaq quiyim qomi' lalamaxarete' ñi qota'a, chaqai quiyim ná'ogue na qomyipi ná'maq hueetalec ana 'laua qoỹoiquentac queso na'ỹaapec.