Génesis 8:1 - La'qaatqa ñi qota'olec Qota'olec & Qota'olec Novita Na Qomyipi

¹ Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

Génesis 8:1 Iomraidhean Croise

Génesis 19:29

Ca' chaqaida 'neeto' na'le na' ñi qota'olec nopoxoỹaxachiñi sauajo na'aate' quesó'maq ca'megue neeta'ño' na'le so Lot. Qam ỹo'leenta'a so Abraham, ca naqata'a so Lot na' nopoxoỹaxachiñi yaua'maxare.

Génesis 30:22

Qam ñi qota'olec ỹo'leento'o' aso Raquel, ca' 'xaỹa da nqouagaxainaxac. Ca lotqai 'uo' nqai'en so llaalqaipi.

Génesis 9:10

chaqai quená'ogue ná'maq iseripi riỹahitac chicqaugui añi rahiri huaxaỹaqse: na ỹoipi, chaqai na iseripi neloipi chaqai na neuequipi, chaqai ná'ogue na iseripi hueetalec ana 'laua.

Job 14:13

Saxanchi' yayoxochiriñi queca loma' na lqui'i na leuaxaiquipi, toco' ma' ime'uegue ca qavilli', chaqai vite ca raloqojonqui' quiyim o'lliinchira'a ỹim.

Salmos 137:7

Qami' ỹa'gaxala', ñaqai o'lliinchira'a so llaalqaipi so Edom, na' noxonec yi Jerusalén, ca 'naiquen: ¡Nopoxoỹaxachiñi, nopoxoỹaxachiñi, vire'ta nqai'ñii yí'maq pa'aañi no'xonaxala'!

Salmos 36:6

Naua ra'qaataxahi' ipaquichiguilo 'ec ana quemaralec qa' ladocai; chaqai naua relaataxanaxagohi' 'nejme' aca huaaxai late'ogue' chaqai qoỹoqochi'ñigui. Qami' qara'gaxala', richillira'a na qomyipi chaqai na iseripi.

Éxodo 14:21

Ca' so Moisés ỹachaxanshiguim so lqai'laxat nalojlec nqai'en aso huaaxai, ca' ñi qara'gaxala' nela' so quesaxan nonot chicqa'gue da lqodoigue, naquetac quesá'ogue so pe. Ca' shicchigui nqai'en aso huaaxai, ca' chaqaido' da 'neeta na'le, ca' ñi qara'gaxala' ñigui nqai'en aso huaaxai 'laua rashivijlec.

Éxodo 15:10

Qam npi'chirec so racachi', ca' aso huaaxai ỹaqan so'maxare; 'ec na quiguiñi na' iyinñi queso huaxaỹaq chalego lquesaxanaxa.

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

Proverbios 25:23

Quena nonot chicqa'gue da rapiguim chicqaugui na ỹaxat, chaqai naua se no'viiñi na'qaatqa chicqochigui da se no'uen nashicyaxac.

Isaías 44:27

Ỹim seshit shinapega aso huaaxai quiyim rashivigui chaqai quiyim na lachiuguellipi co'chigui qaica ca huaxaỹaq.

Amós 8:7

Ñi qara'gaxala' qota'olec, ñí'maq qaimaqachin na'le queso Jacob, ỹaanec da la'qaatec quiyim qaica ma' ỹa'laxate quet dá'maq se no'uen 'neetari' na qomyipi.

Jonás 4:11

Ca huose'quet sqai paguec ca i'xorenataxanaxa quiyi na'ñi yi Nínive, yi chalego lecaic na'a', yí'maq ỹovi' ciento veinte mil na ñaaqaipioqui' neeta'ñi yi'maxare saqa'leca ca ỹa'den, chaqai 'xoic na iseripi nelo.

Números 22:32

Qam so lelaatec ñi qara'gaxala' 'naaco' queso'maxare: —¿Chi'negue ma' tres huaxañi' añi qalo'e' 'ashina? Ỹim ná'taq sapo'guit na qayiqui', ma' se yqo'ta da qayicyaxaqui'.

Apocalipsis 16:19

Só'maq chalego lecaic na'a' secta'chi, tres lahil nqohin. Chaqai ná'ogue na na'a' quena 'laua ná'ogue 'guiñi. Ca' ñi qota'a ỹo'leenta'a so chalego lecaic na'a' Babilonia quiyim 'ec ne'taxañigui ca nouaxanaxaset cá'maq nelata na'le ñi'maxare na' ro'o.

Apocalipsis 18:5

Ma' lapootañi na lasauaxaset ỹovirashiguim quena piguim. Ca ñi qota'a ỹo'leenta'a ná'maq se no'uen ỹo'ueetetac yi'maxare.

1 Samuel 1:19

Ca' queso liỹa nete'e, ca' no'teesashiguim. Ca co'na' ime nqouagaxainsacot ñi qara'gaxala', ca' pile' queca la'aate' quiyi Ramá. Co'na' ime, ca' so Elcana lot lapa'ñi' aso loua Ana, ca' ñi qara'gaxala' no'uenta'gue dá'maq lashiilaxanaxac aso'maxare.