Génesis 7:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' ime'ueque nauajo siete na'xata', ca' so'uet ca ỹaxat ỹoviraxaterauec naua cuarenta na'xata' chaqai naua cuarenta piri. Ca' ¡sapalaxat ma'le quena 'laua ná'ogue ná'maq ỹo'ueenatec 'ue na lacat!

Génesis 7:4 Iomraidhean Croise

Génesis 2:5

ca saqa'laca aca ñaxat qo'paq chaqai na 'uaqapi, ma' ñi qara'gaxala' qota'olec saqa' ỹo'uet ca ỹaxat taalec ana 'laua, chaqai saqa'leca ca ro'ueenataxanlec.

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Génesis 6:17

Ma' ỹim ñila' ma'le ca ỹaxat, ca' i'paxanlec nqai'en na 'laua. Ca nomajñi ma'le ná'ogue ná'maq 'ue na lacat quenaua'que naua lahil na 'laua. Ca ná'ogue ná'maq hueetalec ana 'laua ileu ma'le.

Génesis 6:3

Qam ñi qara'gaxala' qota'olec 'naaco': Sqai saxanegue na qom quiyim queeta nca'leetauec, ma' na'maxare chi la'at. Ca cá'maq laloqo' yi nachaalataxac qaiyauate' yaua ciento veinte ñaxari.

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

Génesis 7:10

Ca co'na' ime' saua siete na'xata', ca' nac so ỹaxat i'paxanlec nqai'en na 'laua.

Génesis 7:12

Ca' queuguilo saua cuarenta na'xata' chaqai cuarenta piri quiyim naquetac so ỹaxat quena 'laua.

Génesis 7:17

Ca' ỹoviraxaterauec saua cuarenta na'xata' quiyim naquetac so ỹaxat. Ca co'na' nqo'ñishiguim so huaxaỹaq, ca' aso nahi' naỹoxonshiguim, ca chi ỹaỹoxontegueri'.

Génesis 7:3

Chaqai coñireu'alo caua siete 'aalo chaqai ỹale' quená'ogue ná'maq lashic na ỹoipi, qaiyi qaica ca na'laañi quena'maxare quena 'laua.

Génesis 8:10

Ca' so Noé rauaanaxanac quesaua liỹa' siete na'xata', ca lotqai liỹa ỹaxanec so coviguiñic.

Génesis 8:12

Ca' rauaanaxan quesaua liỹa' siete na'xata', ca lotqai liỹa ilarec so coviguiñic. Ca' so coviguiñic tot rapilo.

Génesis 8:2

Ca' napoguilo naua lliquishiguim na huaxaỹaq quena huaaxai chaqai pogui qai'neeta na piguim, ca' ỹaxanegue so ỹaxat.

Jeremías 28:16

Vichiguiño' ñi qara'gaxala' 'naac: Ajá'a, selachi', qam quiyim sahotaque sapalaxachirac quena 'laua. Ca' quenajo ñaaxa, ca' rillivi', ma' quenaua ra'qaataxahi', ca 'viichi' quiyim na qomyipi npa'guene'e' aỹim.

Amós 4:7

Qai'neeta so'uet quiyim qaica ca ỹaxat na' saqa'lecaua tres shiriguiri quiyim qanaqat na nanecsec. 'Vii naua na'aate' 'ue nqaishin na ỹaxat, qam quena liỹa, ca' qaica nqaishin ca ỹaxat; 'ue na no'ueenaxa ta'ñi na ỹaxat, qam quena liỹa, ca' ỹaso, ma' qaica ca huaxaỹaq;

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.