Génesis 7:21 - La'qaatqa ñi qota'olec Qota'olec & Qota'olec Novita Na Qomyipi

²¹ Co'na'le, ca' ileu ná'ogue na qom quena 'laua, chaqai na ỹoipi, chaqai na neloipi, chaqai na neuec iseripi, chaqai ná'maq nqai'queetegueri' quena 'laua.

Génesis 7:21 Iomraidhean Croise

Génesis 1:25

Ñi qota'olec ỹo'ueeto' ná'ogue na iseripi. Ca' iuana quiyim ná'ogue ỹa'maqachiguiñi.

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Génesis 6:17

Ma' ỹim ñila' ma'le ca ỹaxat, ca' i'paxanlec nqai'en na 'laua. Ca nomajñi ma'le ná'ogue ná'maq 'ue na lacat quenaua'que naua lahil na 'laua. Ca ná'ogue ná'maq hueetalec ana 'laua ileu ma'le.

Génesis 7:4

Ma' ime'ueque nauajo siete na'xata', ca' so'uet ca ỹaxat ỹoviraxaterauec naua cuarenta na'xata' chaqai naua cuarenta piri. Ca' ¡sapalaxat ma'le quena 'laua ná'ogue ná'maq ỹo'ueenatec 'ue na lacat!

Joel 2:3

Mashic 'nejem ca norec ná'ogue ỹavigaxat, saqa' quelec yi'maxare, qa' shi'gue ỹavigaxat, chaqai quena' shi'gue quelec. Yí'maq 'laua na' saqa' novi' ana piñai, yi'maxare chalego loyac, qam quena' mashic ỹoxogue, ca' qaica ca no'ueenañi. ¡Ná'ogue qo'queeta, qaica ca llitec!

Mateo 24:39

Chaqai qaico' ca retanaxan na'le, chi ỹovireto'o' na' nac so ỹaxat, ca ỹaỹoxonaxat sá'ogue so qomyipi. Ca' chaqaida 'neeta ma'le ma' novi' najo ỹale llaalec.

Lucas 17:27

So qomyipi que'eetac, chaqai ne'teetac, shiltecta' chaqai ỹaantapeguec ana llaallipi quiyim 'on, chi ỹovireta'a so na'xa'a co'na' so Noé inoxonougui aso lo'ueenata qom lahi' huaxaỹaqse. Ca' naco' so ỹaxat, ca' nomachichiguiñi sá'ogue so qomyipi.

Romanos 8:20

Ma' ná'ogue na no'ueenatqaipi 'uo' da nouaxanaxaset ma' ỹo'maac, qam mesqaida quiyim chaqai 'negue 'ne'tegue, qam chaqaiño' ñi qota'olec ñí'maq ỹo'ueeto' quiyim 'ue dajo. Qam se neme quiyim ñaqa 'ue da quitaxac,

Romanos 8:22

Ma' sa'deenqata quiyim vire'ta nagui ná'ogue ná'maq lo'ueenatec ñi qota'olec ỹaualqatac, chaqai 'ue da le'xoric, 'nejem aca 'aalo quena' shim co'o.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.