Génesis 7:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca chaqaiso' sojo na'xa'a co'na' so Noé inoxonougui aso lahi', liỹaresaho saua llaalqa Sem, Cam chaqai so Jafet, chaqai aso loua chaqai saua tres latel.

Génesis 7:13 Iomraidhean Croise

Génesis 10:21

So Sem só'maq lopiichi so Jafet qai'neeta 'ue so llaalqaipi. Sá'ogue so llaalqaipi so Heber chaqaiso só'maq chigoxougui so Sem.

Génesis 10:6

Ca' saua llaalqa so Cam: Cus, Mizraim, Fut chaqai so Canaán.

Génesis 5:32

Ca' so Noé mashic ỹovito'o' saua quinientos ñaxari co'na' ne'qa'iñi saua llaalqa: Sem, Cam chaqai so Jafet.

Génesis 6:10

Ca' so Noé 'vio' saua tres llaalqa, ca saua'maxare leenqate' Sem, Cam chaqai so Jafet.

Génesis 6:18

Qam caqami', ca' se'taxajñi ma'le da ña'maqataxac, chaqai cañi rahichi' naỹoxontashiguim, ca inoxondo ma'le naua qachaalaxahi', chaqai añi roua'e', chaqai naua rachilli', chaqai qami'.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

Génesis 7:14

Liỹaresaho' ná'ogue nanchaqaina iseripi neuec, chaqai na nelo, chaqai ná'ogue nanchaqaina lashic na isecỹac nqai'queetajlec, chaqai na ỹo.

Génesis 8:14

Ca na' ỹovirerec saua veintiseis na'xata' queso liỹa shiraigo, ca' na 'laua ỹaatqajam rashivijlec.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.