Génesis 7:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

Génesis 7:1 Iomraidhean Croise

Génesis 6:18

Qam caqami', ca' se'taxajñi ma'le da ña'maqataxac, chaqai cañi rahichi' naỹoxontashiguim, ca inoxondo ma'le naua qachaalaxahi', chaqai añi roua'e', chaqai naua rachilli', chaqai qami'.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Génesis 7:13

Ca chaqaiso' sojo na'xa'a co'na' so Noé inoxonougui aso lahi', liỹaresaho saua llaalqa Sem, Cam chaqai so Jafet, chaqai aso loua chaqai saua tres latel.

Génesis 7:7

Ca' so Noé inoxono caso lahi' naỹoxontashiguim liỹaresaho saua llaalqa, chaqai aso loua chaqai saua latel, 'eetera'piguit so ỹaxat.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Lucas 17:26

Ca 'nejem ma'le da 'neete' saua ñaxari hueetauguilo nallaaqo' so Noé, ca' chaqaida 'neeta ma'le caua na'xata' ma' rapil najo ỹale llaalec.

Hechos 2:39

Ma' dajo qaỹachaxantac quiñi qota'olec ỹaatqajam taỹauguilo qamiri chaqai naua qachaalaxahi chaqai qai'neeta ná'ogue ná'maq qoỹoqo'ta, chaqai quená'ogue ná'maq ñi qara'gaxala' qota'olec roỹaxane'oga.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.