Génesis 6:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

Génesis 6:9 Iomraidhean Croise

Génesis 10:1

Ca' chaqaina najo na llaalqaipi so Sem, Cam chaqai so Jafet, llaalqa so Noé sauá'maq co'na' ime'uegue so huaxaỹaq lodegaxat, ca 'vii sauá'maq chi lalamaxarete' llaalqa.

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 2:4

Ca chaqaido' dá'maq 'neeto' na'le na' qaỹo'uet na piguim chaqai na 'laua. Co'na' ñi qara'gaxala' qota'olec ỹo'uet na piguim chaqai na 'laua,

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 5:1

Ca' anajo aná'maq lomalate so llaalqaipi so Adán. Co'na' ñi qota'olec ỹo'uet so qom, ca chi nadenaxatalta'. Ca' ỹaatqajam chaqai 'ec da no'ueenataxac ñi qota'olec nqai'en so'maxare.

Génesis 5:22

Qam so Enoc quejlgoto nauá'maq lelaataxanaxaco ñi qota'olec. Ca co'na' ime ne'qaañi so llaalec Matusalén, ca' so Enoc ñaqai queuguilo saua trescientos ñaxari liỹa' quiyim nca'leetauec. Ca 'vii saua liỹa' llaalqa chaqai saua llaale.

Génesis 5:24

Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

Génesis 6:10

Ca' so Noé 'vio' saua tres llaalqa, ca saua'maxare leenqate' Sem, Cam chaqai so Jafet.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

1 Reyes 3:6

Ca' so Salomón 'naaco': —Qami' ỹaatqajam re'xorenachiqui' yi ita'a David yí'maq relaachiqui', ma' yi'maxare ipacqajanchiguilo naua ra'qaataxahi', ca no'uen da nachaalataxac, chaqai ỹalamrete' naua la'deenataxanaxaco caqami'. Vichiguiño' ỹaatqajam 'xoriñi', chaqai vite na 'oonoqui' llaalec quiyim naalec nqai'en da lo'ueenataxanaxac quiyim nashi, 'nejem dá'maq 'ñitetegue aỹim quesaua na'xata'.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:8

Co'na'le, ca ñi qara'gaxala' 'naaco': —¿Mashic huañita ñi ilaatec Job? Qaica ca 'nejem ñi'maxare quena 'laua. Ñi'maxare ỹaatqajam quejlec aỹim, chaqai ỹaatqajam ỹaqamqata, chaqai ne'maxateta, qaica ma' ỹo'uet quet ca se no'uen.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 23:50

Ca 'uo' so ỹale 'maxaraic da no'ueenataxac chaqai huagaxaraic, leenaxat José, na'ñi yi na'a' Arimatea huaugui yi 'laua Judea. So'maxare ỹalequetaugui so nashillipi ỹo'ueetegueñi na leloxoỹaxaquipi quena judioipi.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Romanos 1:17

Ma' dajo na'qaatec ichoxotema qomi' dá'maq 'neeta quiyim icoñi'chiguita qomi' ñi qota'a. Queda npi'ỹaxac, chaqai qaidaata da npi'ỹaxac. Ma' 'nerac naua naneresañi la'qaatqa ñi qota'a: “Cá'maq ỹa'maxarenta ñi qota'olec, dá'maq no'uen nachaalataxac chicqochigui da lpi'ỹaxac.”

Gálatas 3:11

Ca ỹaatqajam re'qoota quiyim qaica quet cá'maq qaỹa'maxarenta quiñi qota'a quiyim ỹo'ueetetac dá'maq 'naac na naqataxaquipi. Ma' naua naneresañi na'qaatqa 'neracsa': “Cá'maq ỹa'maxarenta ñi qota'a ca'lligui ma'le da lpi'ỹaxac.”

Deuteronomio 18:13

Ca' qamiri no'uen quiyim na'maxachita quedá'maq 'ñiitari' quiñi qota'olec.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.