Génesis 6:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam ñi qara'gaxala' ỹaatqajam nqo'ta so Noé quena' ra'iita'a.

Génesis 6:8 Iomraidhean Croise

Génesis 19:19

Qamiri mashic 'xoic da rqouagaxahi caỹim, chaqai qamiri huagaxaraqa caỹim, ma' yca'laxachiuec. Qam ỹim re'qoota se sovijta'a yi qoỹoqoshi'megue 'laua. Ca ma' qanopoxoỹaxajñi najo, ca qaỹoviralgoto qomi' quena nayic, ca qai'neete' qomi' qareleu.

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Jeremías 31:2

Ñi qara'gaxala' 'naac: Quiyi 'laua qaica qom ñachaxan quiyim ỹim huagaxaraic quená'maq qomyipi qohit queso nelauaxa. Na' so Israel idaantaque ca nco'matqa',

Mateo 24:37

'Neete'm ma'le saua na'xata' hueetouguilo saua na'xata' so Noé, ca' chaqaida 'nejem ma'le ca loviraxac najo ỹale llaalec.

Lucas 1:30

Ca' sojo nelaatec 'naaco': —María, qami' se ro'chi'i', ma' ñi qota'olec ỹaatqajam ỹa'maxarenta qami'.

Lucas 17:26

Ca 'nejem ma'le da 'neete' saua ñaxari hueetauguilo nallaaqo' so Noé, ca' chaqaida 'neeta ma'le caua na'xata' ma' rapil najo ỹale llaalec.

Hechos 7:46

Ca' sojo David ỹaatqajam qanqo'ta quiñi qota'a, ca so'maxare ỹahotaque quiyim ỹo'uet ca lauo' ñi qota'olec queso 'auaxaic qareta'a Jacob.

Romanos 11:6

Ca no'm qanqouaguegue quiñi qota'a quiyim qanca'au'a, ca' mesqai chicqochigui quet cá'maq ỹo'uet ca qom; ma' queta'le, dá'maq lqouagaxa quet ñi qota'a, ca' sqai ỹaatqajam nqouagaxa.

Romanos 4:4

Ca vichiguiño' quiyim no'm 'ue ca qom 'ue ca ỹo'uet, mesqai 'ec neme ca nishiuetenaxac, ma' chi qaishiueten ca laseue' ca lo'ueenataxanaxac.

1 Corintios 15:10

Qam sovira'a dá'maq shintari' nagui, ma' ñi qota'olec 'uo' da lqouagaxa caỹim, ca dá'maq lqouagaxa caỹim se ishit quiyim qaica quet ca ñigui. Ma' ỹim ỹapacauec da ỹo'ueenataxanaxac quesá'ogue so liỹa nelaatqaipi, 'eno'm mesqaỹim, qam chaqaiñi ñí'maq qota'olec quedá'maq chi lqouagaxa, ca' ro'ueenataxantapigui aỹim.

Gálatas 1:15

Qam ỹimo' lca'acsec ñi qota'a na' saqa' ñi'qaañi, ca quedá'maq chalego lecaic le'xorenataxanaxa, ca' roỹaxañiua'. Ca' chaqaida 'ne'tegue co'na' ỹovita so laloqo',

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

Tito 2:11

Ma' ñi qota'a ỹachaxanalo qomi' da lqouagaxa dá'maq chicqaugui da lca'laxa ná'ogue na qomyipi.

Tito 3:7

Ca' quedá'maq lqouagaxa, ca ỹa'maxarente' qomi', ca' qaiyi seconaxaguit dá'maq ñauaanqata'guit chaalataxac sqaica lqodoc.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.