Génesis 6:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' ỹaatqajam netocteta'pegue quiyim ỹo'ueeto' na'le na qom, ca ỹaatqajam 'xoic da lqui'ic nqai'en.

Génesis 6:6 Iomraidhean Croise

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

Salmos 110:4

Ñi qara'gaxala' qota'olec ỹaanec da la'qaatec, ca' se netogot: Nagui, ca qami' netaxaỹaxanqajnec sqaica lqodoc ma' qaretaxaỹa'pegue' aỹim, 'ec na'le so Melquisedec.

Salmos 95:10

Quecaua cuarenta ñaxari so'ootapega so qomyipi, chaqai shinac: Najo qomyipi chalego da llitaxanaxac; ¡se na'xaỹaxanalo naua ilaataxanaxaco!

Jeremías 18:7

Quiyim 'ue ca na'xa'a ỹim so'uet quiyim ñapoc, se'guenaxajñi chaqai ñopoxoỹaxajñi ca qomyipi loqo'm ca loiquenatec ca nashi.

Jeremías 26:19

Ca' so nashi Ezequías chaqai sá'ogue so qomyipi quena Judá, ¿'uo' ca 'ne'tegue na'le so Miqueas? 'E', ta'ta'a quiyim so nashi 'ue da lqolonaxa quiñi qara'gaxala', ca' rashiilaxan quiyim qanqouaguegue so qomyipi. Ca' ñi qara'gaxala' se nela' só'maq ỹahotaque taalec nqai'en. Ca' ¿qomi' sahoqotaco' quiyim ñiỹoxosqalta' queda chalego lecaic nasauaxaset?

Oseas 11:8

¿Negue' cá'maq shinta'gue quiyim saxanñi qami' Efraín? ¿Negue' cá'maq shinta'gue quiyim salachi' qami' Israel? ¿Seshito' quiyim ñopoxoỹaxajñi qami', 'nejem dá'maq shine'tegue na' ñopoxoỹaxajñi yi na'a' Adma, loqo'm sa'ue ca nouaxanaxashichi', 'nejem nqaishin dá'maq shine'tegue na'le yi na'a' Zeboim? ¡Añi i'taxanata 'ue da lachitachic, ma' 'ue da lqouagaxa caqami'!

Joel 2:13

¡Pilliu'a qamiri ñi qara'gaxala', ñí'maq qota'olec caqamiri, ỹaatqajam 'chiichiguiñi nqai'ñii ca netacochaxahi cañi re'taxanatahi, qam se nasectaxachiỹa'ahi naua qatoohi! Ma' ñi qara'gaxala' sotaxaraic da lo'ueenataxanaxac chaqai qouagaxanqachaqaic, hualaxauaic chaqai imaañi da le'xorenataxanaxa, 'eco' se nqo'ta quiyim 'ue ca ỹa'ue ca nouaxanaxaset.

Jonás 3:10

Ca' ñi qota'a iuana dá'maq 'neetari' yi qomyipi quiyi Nínive quiyim ỹaxañiñi naua loico se no'viiñi. Ca' ñi'maxare se ipaguigui nqai'en da la'qaatec quiyim 'naac nopoxoỹaxajñi yi Nínive.

Malaquías 3:6

Ỹim ná'maq ỹim na'gaxala'. Se ñadalaxat. Vichiguiño' qamiri chigoxoỹaugui so Jacob se qanomachiñi qamiri.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Romanos 11:29

Ma' cá'maq ỹaan ñi qota'a, ca se liỹa icona, chaqai se ishit quiyim se ipacqajñigui so loỹaxanaxac.

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

Hebreos 3:10

Ca vichiguiño' so'ỹa na'le so qomyipi, ca' shinac: “Se neme da lo'maxac ma' queeta'pegue' da chi la'deenataxanaxac, chaqai se ỹa'maxaren iuanalo naua ñayicyaxaco.”

Hebreos 3:17

Chaqai ¿nega'ỹo' só'maq ỹovite' cuarenta ñaxari quiyim qanoquii'a quiñi qota'a? Ca chaqaiso só'maq 'ue na lasauaxaset, ca so'maxare sá'ogue ileu huaalec yi 'laua qaica qom.

Santiago 1:17

Ná'ogue na ỹa'maqachiguiñi chaqai na naloochiguiñi quená'maq qoỹaanema qomi', na'maxare chicqashiguim chicqo'ot ñi qota'a, ñí'maq lo'ueenata na coỹarelec najo. Ñi'maxare se nadalaxatalta' chaqai se nqo'in quiyim 'ec chicqochigui ca la'al.

1 Samuel 15:11

—Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.

1 Samuel 15:29

Ma' ñi qota'olec, ñí'maq lauaq na Israel llaalqaipi, se na'majan chaqai se netogot, ma' sqai 'nejem canchaqaica qom quiyim netogot.

1 Samuel 15:35

Ca' so Samuel tot qaica ma' liỹa quet quiyim neuañiguit so Saúl, ca 'eno'm 'xoic da lachicoxo quiyim ñi qara'gaxala' 'ue da netogotaxa quiyim nashi nqai'en so Saúl quiyi Israel.