Génesis 6:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

Génesis 6:2 Iomraidhean Croise

Génesis 12:11

Ca co'na' shim ỹovita yi Egipto, ca' so Abram 'naaco' caso loua Sarai: 'Ajñi', ỹim ỹaatqajam sa'deenta quiyim qami' ỹaatqajam lo'yaxana 'aalo.

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 26:35

Ca' sauajo dos 'aalo se ỹa'maxagui lauel nqai'ne' saua ni'ỹoqoro' Isaac chaqai aso Rebeca.

Génesis 27:46

Co'na' ime, ca' aso Rebeca 'naaco' queso Isaac: —Mashic tot yalo'guit da shinta sauaxate' nauajo hitita lase quenauá'maq o'ñiguita ñi Esaú. Ca no'm ñi Jacob 'ue aca loua quena hitita lasellipi 'neete'm yauajo quená'maq na'ñi najo Canaán, ca' paguec la'maxa quiyim yileu.

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 4:26

Ca' so Set 'uo' qai'neeta so llaalec, ca leenaxato' nqai'en Enós. Ca' queco'na'le, ca' na qomyipi imaqachintac da leenaxat ñi qara'gaxala' qota'olec.

Génesis 6:1

Ca co'na' so qomyipi neuagaxat taalgoto naua 'lauari, ca' mashic 'ue na llaallipi 'aallipi.

Génesis 6:3

Qam ñi qara'gaxala' qota'olec 'naaco': Sqai saxanegue na qom quiyim queeta nca'leetauec, ma' na'maxare chi la'at. Ca cá'maq laloqo' yi nachaalataxac qaiyauate' yaua ciento veinte ñaxari.

2 Samuel 11:2

Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

Esdras 9:12

Chaqai qai'neeta 'ñirac quiyim sqo 'ñiguit nqaishinaq na qochaallipi, chaqai quiyim se sa'maxarenaq quiyim na qochaalqaipi o'ñiguit na llaallipi na'maxare, chaqai quiyim se seuagaxaguit chaqai ca la'maxa yijo qomyipi, qaiyi se neme quiyim qomi' quesaxanaxaqa, chaqai quiyim seconaxaguit ná'ogue ná'maq hueetalec na 'laua. Ime, ca' ño'ueenaxatqa'guit ná'ogue na'maxare na qochaalqaipi, ca' sqaica lqodoc quiyim chi lalamaxat.

Job 1:6

Ca 'uo' so na'xa'a quiyim quepegue' ñi qara'gaxala' so lelaatqaipi piguim laseripi. Ca qai'neeto' ỹoviro so na'ỹaapec só'maq viraqataxanaxai ỹalequetauguilo saua'maxare.

Isaías 63:16

¡Qami' ná'maq qami' qareta'a! 'Eno'm so sachigoxosoxougui Abraham 'ec ỹora'alo nqai'ne' qomi', chaqai so laual Israel se ỹo'leenta'alo qomi', qam qami' qara'gaxala', qami' ná'maq qami' qareta'a; chaqai shi'gom se neme quiyim 'ootaxañiseguelgoto qomi'.

Malaquías 2:11

Yi Judá se na'xaỹaxana ñi qota'olec, ca' chalego la'aaqa' naua qaỹo'ueeteta'pe quiyi Jerusalén chaqai quiyi Israel. Yi Judá chi iualaxainari' da lco'taxa ñi no'ueenaxanaxaqui na' re'xorenataxan ñi qara'gaxala', chaqai na ỹalliripi quiyi Judá icona quiyim loua ana 'aallipi nqouagaxainot na nashiilec nqolac.

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

1 Corintios 7:39

Aca 'aalo mashic 'on se ishit qaỹosogoñi da lo'naxac no'm ñaq nca'leetauec ca loua. Qam no'm ileu ca loua, ca aca'maxare ỹaatqajam no'uene'tegue quiyim o'ñiguit cá'maq nqo'ta. Qam no'm mashic icoñiguit da na'qaatec 'nejem aca'maxare.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

1 Juan 2:16

Ma' qaica quet cá'maq hueetalec ana 'laua quená'maq nanatqaipi se no'uen chicqo'ot quet ñi qota'olec, ta'ta'a quiyim chaqaina ná'maq 'laua hueetalec. Na se no'uen lamaanaxanqachic na qaroshicmaxa, ná'maq qarishoxo quiyim hueeto'oto qomi' ná'maq qarqo'ta quenaua qanqote', chaqai da maqajnaxac quenanchaqaina queda qanachaalataxac, ná'ogue najo ná'maq seuanaxa qaỹachaxantac, qam chaqai hueetalec najo 'laua.