Génesis 6:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qam caqami', ca' se'taxajñi ma'le da ña'maqataxac, chaqai cañi rahichi' naỹoxontashiguim, ca inoxondo ma'le naua qachaalaxahi', chaqai añi roua'e', chaqai naua rachilli', chaqai qami'.

Génesis 6:18 Iomraidhean Croise

Génesis 17:21

Qam da ña'maqataxac se'taxajñi ma'le ca Isaac ca llaalec añi Sara 'ue ma'le ma' ime na ñaaxa.

Génesis 17:4

—Da ña'maqataxac nagui caqami' 'neetasa': Qami' leta'a ma'le ná'ogue na ỹoreta'oguit qomyipi,

Génesis 17:7

Dá'maq ña'maqataxac caqami' chaqai quecá'ogue ca qachaalaxai'pi ma'le quiyim chaqai 'neetari' ỹim qota'olec caqami' chaqai ỹim nqota'olec cá'maq qachaalaxai'pi.

Génesis 7:1

Ca co'na' ime, ca ñi qara'gaxala' 'naaco' queso Noé: —Quená'ogue na qomyipi quená'maq hueetauguilo nauajo ñaxari ỹaatqajam qaqamite' 'viichi'sac dá'maq sahotaque. Ca vichiguiño' noxoñirougui añi rahichi' naỹoxontashiguim riỹa'isaho naua qachaalaxahi'.

Génesis 7:13

Ca chaqaiso' sojo na'xa'a co'na' so Noé inoxonougui aso lahi', liỹaresaho saua llaalqa Sem, Cam chaqai so Jafet, chaqai aso loua chaqai saua tres latel.

Génesis 7:7

Ca' so Noé inoxono caso lahi' naỹoxontashiguim liỹaresaho saua llaalqa, chaqai aso loua chaqai saua latel, 'eetera'piguit so ỹaxat.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.