Génesis 6:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ma' ỹim ñila' ma'le ca ỹaxat, ca' i'paxanlec nqai'en na 'laua. Ca nomajñi ma'le ná'ogue ná'maq 'ue na lacat quenaua'que naua lahil na 'laua. Ca ná'ogue ná'maq hueetalec ana 'laua ileu ma'le.

Génesis 6:17 Iomraidhean Croise

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 6:13

Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Génesis 6:16

Ca' da no'ueenataxac nqai'ñi', ca 'ec tres 'imqa nqai'ñi' qotesashiguim. Chaqai aca nqote ñi'ra'ñi quiyi ma' saqa'leca medio metro, ca' ỹovishiguim quena lelaq ca pa'aashiguim 'imec. Chaqai vite ca lasom quena lahi.

Génesis 6:7

Ca 'naaco': Sapalaxat ná'maq ỹo'ueenatec qom quena 'laua, chaqai ná'ogue ná'maq nelo iseripi, chaqai ná'maq nqai'queetegueri', chaqai na ỹoipi. Ỹaatqajam 'xoic da ñitogotaxa, ma' so'ueeto' na'le.

Génesis 7:15

Quená'ogue na isecỹac dooseta'pe, liỹaresaho so Noé na' inoxono caso lahi' naỹoxontashiguim.

Génesis 7:17

Ca' ỹoviraxaterauec saua cuarenta na'xata' quiyim naquetac so ỹaxat. Ca co'na' nqo'ñishiguim so huaxaỹaq, ca' aso nahi' naỹoxonshiguim, ca chi ỹaỹoxontegueri'.

Génesis 7:4

Ma' ime'ueque nauajo siete na'xata', ca' so'uet ca ỹaxat ỹoviraxaterauec naua cuarenta na'xata' chaqai naua cuarenta piri. Ca' ¡sapalaxat ma'le quena 'laua ná'ogue ná'maq ỹo'ueenatec 'ue na lacat!

Génesis 9:9

—Hua' nagui, ca' sa'yiñi ca ña'maqataxac caqamiri chaqai quenaua qachaalaxahi',

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Éxodo 14:17

Ca' ỹim sa'ñaxat añi le'taxanata na Egipto laseripi quiyim quelgoto ỹocana'pe qamiri. Ca' re'oq nqaishin ma'le da iquesaxanaxa quena Faraón chaqai quená'ogue na nalliripi chaqai cana lahoglena chaqai quena shipiguiripi.

Isaías 54:9

'Nejem na' saanec da ỹa'qaatec queso Noé na' 'ue so nqodoc, ca' tot liỹa i'paxanlec nqaishin na 'laua quena huaxaỹaq, ca' chaqaida 'neeta nagui saanec da ỹa'qaatec quiyim tot yoquii'a qami' chaqai tot sa'xalen qami'.

Ezequiel 34:11

Ỹim na'gaxala' shinac: Chaqaỹim seloxoỹa'a ma'le ana ilo qagreta.

Ezequiel 34:20

Vichiguiño' ỹim na'gaxala' shinac caqamiri: So'uet ma'le cá'maq ỹa'maqachiguiñi caná'maq qagreta 'uegaxasaxa chaqai ana po'xoi.

Oseas 5:14

'Ec na sauaxaic leta'a quena' 'ue ñi i'guentalec, ca' chaqaida shine'tegue ma' se'guentalec yi Efraín chaqai yi Judá; chaqaỹim ná'maq sichaqatajlec ma'le, ca ma' ime, ca' shic; ca' ỹim secona'a ma'le, ca' qaica ca ishit ro'ootaxanlec.

Mateo 24:39

Chaqai qaico' ca retanaxan na'le, chi ỹovireto'o' na' nac so ỹaxat, ca ỹaỹoxonaxat sá'ogue so qomyipi. Ca' chaqaida 'neeta ma'le ma' novi' najo ỹale llaalec.

Lucas 17:27

So qomyipi que'eetac, chaqai ne'teetac, shiltecta' chaqai ỹaantapeguec ana llaallipi quiyim 'on, chi ỹovireta'a so na'xa'a co'na' so Noé inoxonougui aso lo'ueenata qom lahi' huaxaỹaqse. Ca' naco' so ỹaxat, ca' nomachichiguiñi sá'ogue so qomyipi.

Romanos 5:21

Ma' dá'maq nasauaxaset 'uo' da lquesaxanaxa quiyim noviraxat da nelauaxa, ca 'nejem quiyim, ma' mashic icoñi'chiguita qomi' ñi qota'a, da lqouagaxa 'ue da lquesaxanaxa quiyim ỹaanema qomi' da nca'laxa sqaica lqodoc, chicqochigui nqai'en so qara'gaxala' Jesucristo.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.