Génesis 6:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca 'naaco' queso Noé: Mashic viichigui na iuel quiyim ime nqaishin ná'ogue na qomyipi, ma' sauaxat na'maxare quiyim 'xoic da neloquiaxac quena 'laua. Ca vichiguiño' sopoxoỹaxachigui na qomyipi chaqai ná'ogue na 'laua.

Génesis 6:13 Iomraidhean Croise

Génesis 49:5

Ca' da Simeón chaqai da Leví nqaỹa'; naua lo'goxonqate' louenqa quiyim se ra'maqataxan.

Génesis 6:14

'Viichi' aca rahichi' cá'maq naỹoxontashiguim ma'le quena huaxaỹaq, viise'e ana qo'paq 'ue na louaq. 'Viichi' caua nomaate' caca'maxare, chaqai po'iriguilo naua'que naua lconaxa' quena pa'aauec chaqai quena pa'aauo. Viise'e na qo'paq louaq, qaiyi se inoxono na huaxaỹaq.

Génesis 6:4

Na qomyipi ladocaqaipi qai'neeta re'oq na'le quena 'laua na' so llaalqaipi ñi qota'olec viguit na llaallipi na qomyipi quiyim 'ue ca llaalec cana'maxare. Ca co'na' ime, ca' chaqaiso só'maq choxoraic 'ñaaxaiquipi queso 'auaxaic qomyipi.

Génesis 7:21

Co'na'le, ca' ileu ná'ogue na qom quena 'laua, chaqai na ỹoipi, chaqai na neloipi, chaqai na neuec iseripi, chaqai ná'maq nqai'queetegueri' quena 'laua.

Génesis 7:23

Qaisauate' saua Noé chaqai sauá'maq neesaugui aso nahi' nca'lerec. Ca sá'ogue so liỹaripi qaỹapalaxat: so qomyipi, na nelo iseripi, chaqai na ỹoipi, chaqai na iseripi nqai'queetegueri',

Génesis 7:4

Ma' ime'ueque nauajo siete na'xata', ca' so'uet ca ỹaxat ỹoviraxaterauec naua cuarenta na'xata' chaqai naua cuarenta piri. Ca' ¡sapalaxat ma'le quena 'laua ná'ogue ná'maq ỹo'ueenatec 'ue na lacat!

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Amós 3:7

Ñi qara'gaxala' se ỹauana quiyim 'ue ca ỹo'uet quiyim se ỹa'deenaxanaxanegue na lelaatqaipi letaxaỹaxaquiripi.

Amós 8:2

Ca ñi qara'gaxala' yinat: —Amós, ¿negue' ná'maq 'ajñisac? Ca shinac: —Nanecse ala ỹiita hueetañigui añi lahi'. Ca 'naac ñi qara'gaxala': —Na Israel mashic ỹovita yi lqodoc, ca' tot qaica ma' liỹa quet yqouaguegue.

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.