Génesis 50:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Génesis 50:24 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 13:17

¡Ne'laxachirishiguim!, huoxoñi' quirelec najo 'laua da ladoqueta chaqai da leca'gue, ma' ỹim saañiraxarom ma'le.

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 15:7

Ca 'naaco' queso'maxare: —Ỹim ná'maq ỹim na'gaxala'; ỹim ná'maq ñaqatec na'le qami' quiyi Ur yí'maq huaugui yi 'laua Caldea. Ca' saañiraxarom najo 'laua quiyim ralamaxarichi'.

Génesis 15:8

Ca 'naaco' so Abram: —Qami' ỹa'gaxala' qota'olec, ¿nega'ỹo' cá'maq 'neeta quiyim ỹaatqajam sa'den quiyim nañaañirim najo 'laua?

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 35:12

Chaqai na 'laua saanem na'le so Abraham chaqai so Isaac, qai'neeta saanem qami' ma'le, ca ma' imeuo qami', ca lotqai saanem na qachaalaxai'pi.

Génesis 46:4

Ỹim ñauequeta'pegue' qami' nagui quiyim 'itegue da Egipto, chaqai chaqaỹim ñaqata'a ma'le na qachaalaxai'pi quiyi'maxare. Chaqai ma' ỹovita ca lqodoc aca rqauaxagui'i', ca' ñi José hueetau'e ma'le na rahi'i'.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

Génesis 48:21

Ime, ca 'naaco' queso José: —Ỹim mashic ỹovita quiyim yileu. Qam ñi qota'olec no'ueena'guita qamiri, chaqai ỹopilaxatalo qamiri ma'le yi na'laua so 'auaxaic qareta'allipi.

Génesis 50:5

ma' na' sham ileu yi ita'a yashiila quiyim se'taxajñi ca ỹa'qaatec quiñi qota'olec quiyim seshinñi cacá'maq chi ỹauaaque lahi' yi'maxare na'ñi yi 'laua Canaán. Vichiguiño' ñi'xoresene'toto qamiri quiyim vii ca idaaqa' quiyim shic, ca' seshinñi yi ita'a. Ca ma' ime, ca' yapil.

Éxodo 12:41

Ca' chaqaiso so na'xa'a na' ỹovi' cuatrocientos treinta ñaxari, ca sá'ogue so nalliripi ñi qara'gaxala' ca'e sojo 'laua Egipto.

Éxodo 13:19

Ca' so Moisés i'xate' saua lpi'naqa so José, ma' so José 'naaco' na'le queso llaalqaipi so Israel quiyim ỹaan da la'qaatec quiyim qaipacqajanchigui dá'maq la'qaatec: Ỹaatqajam llic quiyim ñi qota'olec ỹotauane' qamiri ma'le, qam ma' ỹovirelec quiyim ipaquichigui dajo, ca' qamiri 'xachii' ma'le naua ipi'naqa.

Éxodo 3:8

Vichiguiño' ñanac, sahotaque ñaqata'a queda lquesaxanaxa quena Egipto laseripi, ñaqata'a quiyijo 'laua. Ca' sauega yi 'laua lodegaxat chaqai lo'yaxanec, yí'maq hua'ñi quiyim sqoue na huaca lo'i' chaqai na rapic li'i, yí'maq na'ñi na cananeoipi, na hititaipi, na amorreoipi, na ferezeoipi, na heveoipi chaqai na jebuseoipi.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Eclesiastés 12:5

ỹo'uet da nqolonaxa da lishicshi'megue, chaqai queso nayic 'ue na lichic. Ca' renohi ana qo'paq almendro, ana piñai ra'paqataxan chaqai ana qo'paq alcaparra tot rotaanaxan queca qanishiitaque. Ma' na ỹale taỹa'a ca la'a' sqaica ca lqodoc, chaqai mashic qara'qaataque quenaua nayico ná'maq noỹenteguelec da lelauaxa.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Romanos 5:12

Ca quiyim chicqochigui so 'oonoqui' ỹale quiyim 'ue da nasauaxaset quena 'laua, ca ỹo'uet lligo da nelauaxa, ca' da nelauaxa quigui ná'ogue na qomyipi, ma' ná'ogue 'uo' na lasauaxaset.

Deuteronomio 6:10

Ñi ra'gaxalari chaqai qota'olec caqamiri, ñi'maxare inoxonaxatero qamiri ma'le quiyi 'laua ỹachaxantac na'le ỹahotaque ỹaanema saua 'auaxaqa qata'allii Abraham, Isaac chaqai so Jacob. Chalego lecaic chaqai loyac yi na'aateripi quiyijo 'laua, se ro'ueenachiguii qamiri yi'maxare.

Hebreos 11:22

So José qai'neeta, ma' 'uo' da lpi'ỹaxac, ca ra'qaataxanem so lqaỹaripi liỹa llaalqaipi so Israel quiyim inoxonec ca'e ma'le yi 'laua Egipto, chaqai no'ueenaqtañi da la'qaatec quecá'maq qohinta'que ma'le caua lpi'naqa.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,