Génesis 50:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Qam so José 'naaco' quesaua'maxare: —Totaxan ro'chii. Ma' ỹim se ñpa'xanlec da lo'ueenataxanaxac ñi qota'olec.

Génesis 50:19 Iomraidhean Croise

Génesis 30:2

Qam so Jacob ro'ỹo' aso'maxare, ca 'naaco': —¿Qa' ỹimo' qota'olec? Ma' ñi'maxare ñí'maq se ỹo'uet ca qachaalqui'.

Génesis 45:5

Qam qouaguiic, qaica huapigui qavillii chaqai sqai 'ohiỹa dá'maq chi no'ueenataxaguii quiyim yimiiñii. Ma' qota'olec ñí'maq 'au yila' caqamiri, ma' ỹahotaque ñca'laxatec ca chaalataxac.

Génesis 50:18

Co'na'le, ca ỹovirero sauá'maq lalamaxarete' lqaỹa', ca ỹa'chi'iñi naua le'cootal, ỹoviraqta'guita naua lataapi' na 'laua. Ca 'neraco': —'Viiquiñisa'pe nagui qomi', qomi' relaataxahi'.

Génesis 50:20

Ma' qamiri se no'uen dá'maq 'ñii'tegue na'le caỹim, qam ñi qota'olec dá'maq se no'uen nimiiñiguit nqai'en da lo'yaxanec dá'maq seuanaxa nagui: ma' ỹahotaco' quiyim nca'laxatec na 'xoic qomyipi.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Mateo 14:27

Qam so Jesús 'uo' da ỹa'xat, ca 'naaco' quesaua'maxare: —¡Na'ñaxachii, chaqaỹim, totaxan ro'chii!

Romanos 12:19

Qamiri ñauochaxaua' ỹaqaỹarolqa, 'neeto' lotqai viitaque ca chi rovirii, ta'ta'a quiyim 'xañiigue quiyim chaqaiñi ñi qota'a ñí'maq rouaxanaxan. Ma' quenaua naneresañi la'qaatqa ñi'maxare 'neracsa': “Chaqaỹim ná'maq sa'ue ca nouaxanaxaset ca qom, chaqai chaqaỹim ná'maq seshiuetenaxan, 'naac na ra'gaxalari.”

Hebreos 10:30

Sa'deenaq quiyim ñi qara'gaxala' 'naac: “Chaqaỹim ná'maq so'uet ca nouaxanaxaset ca qom, chaqai chaqaỹim ná'maq seshiuetenaxan.” Chaqai qai'neeta 'naac: “Najo ra'gaxalarii ỹo'uet ma'le na nouaxanaxaset na lalamqateripi.”