Génesis 50:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ quiyim shinqac caqami': Qouaquiric, sqo quirapeguem dá'maq se no'uen chaqai lasauaxasete' naua rqaỹachi', ma' ỹaatqajam se no'uen dá'maq 'neetetco' na'le caqami'. Vichiguiño' nagui ñi'xoresenqa'tot qami' quiyim sqo quirapeguem dá'maq shinqatari' se no'uen, ma' qomi' lelaatqa ñí'maq qota'olec quesó'maq qataa'i'. Ca co'na' ñaq ỹa'xatesac dajo saua nelaatqa, ca' noỹen so José.

Génesis 50:17 Iomraidhean Croise

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 45:8

Ca' chaqaiñi ñi qota'olec ñí'maq yila' quenajo, ca' mesqai qamiri. Ñi'maxare ñí'maq ỹo'uet quiyim aỹim lotaua ñi Faraón quiyim sa'xatem cá'maq 'neeta'gue, chaqai quiyim seloqota'a yá'ogue yi la'a', chaqai quiyim seloqota'a ná'ogue na 'laua Egipto.

Génesis 49:25

¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

Génesis 50:16

Ca co'na'le, ca ilate'o' da la'qaategue', 'neraco': —Na' saqa' ileu so qataa'i', ca' 'naapegalo qomi'

Génesis 50:18

Co'na'le, ca ỹovirero sauá'maq lalamaxarete' lqaỹa', ca ỹa'chi'iñi naua le'cootal, ỹoviraqta'guita naua lataapi' na 'laua. Ca 'neraco': —'Viiquiñisa'pe nagui qomi', qomi' relaataxahi'.

Génesis 50:20

Ma' qamiri se no'uen dá'maq 'ñii'tegue na'le caỹim, qam ñi qota'olec dá'maq se no'uen nimiiñiguit nqai'en da lo'yaxanec dá'maq seuanaxa nagui: ma' ỹahotaco' quiyim nca'laxatec na 'xoic qomyipi.

Mateo 10:42

Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.

Mateo 18:35

Ca' so Jesús co'na' ỹomat da la'qaatec, ca 'naaco': —Ñi ita'a qota'olec neeta'gue da piguim chaqaida 'ne'tegue ma'le caqamiri, no'm quiñi 'óna se ỹachigoxochichigui añi le'taxanata quiyim i'xoren ca lqaỹa.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Marcos 10:41

Ca co'na' 'qaachirigui dajo saua liỹa' diez lapaxaguinatqa, ca qaro'ỹalo so Jacobo chaqai so Juan.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Gálatas 6:16

Ca ná'ogue ná'maq queetalec dajo ñicyaxac, chaqai ná'ogue ná'maq ỹaatqajam lalamaxaret ñi qota'a, ca' icoñiguit da na'maxa chaqai da ne'xorenataxanaxa.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Santiago 5:16

Ca' vichiguiño' queca 'óna caqamiri ra'qaataxanem ca liỹa queca lasauaxaset, chaqai quiñi 'óna nqouagaxaintalec ca liỹa, qaiyi qaỹomaterec qamiri. Da nqouagaxainaxac ca huagaxaraic ỹale ỹaatqajam 'xoic lquesaxanaxa.