Génesis 50:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Génesis 50:13 Iomraidhean Croise

Génesis 23:20

Ca' quiyi, ca so Abraham ỹaatqajam lalamaxaret yijo 'laua chaqai so lauac huaugui yijo 'laua mashic imen so hitita laseripi quiyim qaỹa'ue loma' na napalyipi.

Génesis 23:9

quiyim imeenem aỹim ñi lauac na'ñi yi Macpela yí'maq hueetau'e na lahi yi na'laua. Ca ỹim seshiueten cá'ogue acá'maq laseuete ñi lauac, qaiyi ỹaatqajam ỹalamaxarete aca napal lahi' quenajo.

Génesis 25:8

Ca co'na' mashic ỹaatqajam qo'xoỹom, ca' ileu, ỹalauat dá'maq chi lqo'xo. Ca' eec lapoouo queso 'auaxaic leta'allipi.

Génesis 25:9

Ca' qaishinño' na'le quesauá'maq chaqai llaalqa Isaac chaqai so Ismael quiñi lauac na'ñi yi Macpela, pa'a'gue da lqodoigue quiyi Mamre, na'laua so Efrón, llaalec so Zohar só'maq hitita le'ec.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 46:4

Ỹim ñauequeta'pegue' qami' nagui quiyim 'itegue da Egipto, chaqai chaqaỹim ñaqata'a ma'le na qachaalaxai'pi quiyi'maxare. Chaqai ma' ỹovita ca lqodoc aca rqauaxagui'i', ca' ñi José hueetau'e ma'le na rahi'i'.

Génesis 47:30

Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 50:12

Ca' saua llaalqa so Jacob ipacqajanchirigui dá'maq ỹahotaque so leta'a'.

Génesis 50:14

Ca co'na' ime quiyim so José ishinñi so leta'a, ca' pil queda Egipto, liỹaatac so lqaỹaripi chaqai sá'ogue so ncoỹaataxanaripi.

Hechos 7:16

Ca' so lpi'naqaipi, co'na' ncopa, ca qanaviguishiguim, qaỹodo'ogue da Siquem. Ca' quiyi, ca qaishinñi cañi lahi' quiyi 'laua shi'co' lishiujnaxanaxat so Abraham, ỹauaaque napal loma', ỹachigoxotaugui so llaalqaipi so leenaxat Hamor, na'ñi yi Siquem.