Génesis 50:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca co'na' qaỹovita yi Goren-ha-atad yí'maq pa'ỹa'gue da lqodoigue caso lachiugue Jordán, ca' qaỹo'uet so nasouaxac, ca' noỹentagui so qomyipi na'le. Ca' so José ỹo'uet so lasouaxac quesaua siete na'xata' queso leta'a.

Génesis 50:10 Iomraidhean Croise

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 50:11

Ca co'na' so Canaán laseripi naalec yijo 'laua iuane'ta dajo, ca 'naaco': Na Egipto laseripi 'uo' ca lasouaxac lodegaxat. Ca' vichiguiño' qaỹamata'gue leenaxat Egipto laseripi no'ueenaxa. Yijo 'laua pa'ỹa'gue da lqodoigue caso lachiugue Jordán.

Génesis 50:3

Ca' ỹovi' cuarenta na'xata' quiyim qaỹocoretapigui, ca rashivi so loshicmaxa, ma' chaqaiyaua yauá'maq na'xata' naloqojonqa quiyim qaỹo'uet dajo, qaiyi sqai sogui. Ca' so Egipto laseripi ỹovite' yaua setenta na'xata' ỹo'uet da netanec da lasouaxac so Israel.

Génesis 50:4

Ca co'na' ime'ueque saua na'xata' nasouaxaqui', ca' so José eeco' quepegue' só'maq nashillipi neeta'ñi yi la'a' so Faraón. Ca 'naaco': —Quiyim ỹaatqajam llic rqo'chiiua', ca qouaguiic quet quiyim 'ñiỹapega ñi Faraón,

Génesis 50:9

Ca 'uo' na ỹahote'e ana nahoglena chaqai na neetashiguim coỹa' so José. Ca 'xoico' so qomyipi.

2 Samuel 1:17

Ca' so David ỹo'ueenta'uegue da noỹenaxac queda lelauaxa so Saúl chaqai so llaalec Jonatán,

2 Samuel 11:26

Ca co'na' aso loua so Urías 'ue da la'xaỹaxac quiyim ileu so loua, ca' ỹachicoqochit da lasouaxac.

Job 2:13

Ime, ca' nqa'xanyi'ñi' quena 'laua, ca neesa'anyi quesaua siete na'xata' chaqai saua siete piri qaica ca la'qaategue', ma' iuanta da nqui'ic chalego lecaic queso Job.

Eclesiastés 12:5

ỹo'uet da nqolonaxa da lishicshi'megue, chaqai queso nayic 'ue na lichic. Ca' renohi ana qo'paq almendro, ana piñai ra'paqataxan chaqai ana qo'paq alcaparra tot rotaanaxan queca qanishiitaque. Ma' na ỹale taỹa'a ca la'a' sqaica ca lqodoc, chaqai mashic qara'qaataque quenaua nayico ná'maq noỹenteguelec da lelauaxa.

Números 20:29

Ca co'na' retan so Israel llaalqaipi quiyim so Aarón ileu, ca' qanoỹenteguelec quesaua treinta na'xata'.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Deuteronomio 34:8

Ca' so llaalqaipi so Israel noỹenteguelec so Moisés quesaua treinta na'xata' hua'ñi yi 'laua qaica qom quiyi Moab, ca' qaipacqajanchiguilo saua na'xata' quiyim nasouaxaqui' queso'maxare.

1 Samuel 31:13

Ime, ca' qaishinñi so lpi'naqaipi quiyi Jabes, qaishino'oto aca qo'paq. Ca co'na' ime dajo, ca' ỹovi' siete na'xata' quiyim so qomyipi nqopaaqachit.