Génesis 5:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' queda, ca' quesá'ogo' ỹovi' novecientos treinta ñaxari quiyim nca'leetauec. Ca co'na' ỹovite' sauajo ñaxari, ca' ileu.

Génesis 5:5 Iomraidhean Croise

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 5:11

Ca' quesá'ogue, ca' ỹovi' novecientos cinco ñaxari. Ca co'na' ỹovite' sauajo ñaxari, ca' ileu.

Génesis 5:4

Ca co'na' ime dajo, ca' so Adán ñaqai queuguilo saua liỹa' ochocientos ñaxari quiyim nca'leetauec. Ca' 'vio' saua liỹa' llaalqa chaqai saua llaale.

Génesis 5:6

Ca' so Set ỹovito'o' saua ciento cinco ñaxari co'na' ne'qaañi so llaalec Enós.

Génesis 5:8

Ca' quesá'ogue, ca' ỹovi' novecientos doce ñaxari quiyim nca'leetauec. Co'na'le, ca' ileu.

Salmos 90:10

Setenta ñaxari yí'maq laloqo' da qanachaalataxac; ca ná'maq paguec quesaxanaxaic, ca ỹovite' yaua ochenta; qam dá'maq maqajnaxac quiyim qaỹovireta'a ca nqo'xo, ca chi ỹo'uet da neualaxavic chaqai da nedaxac. ¡Naua ñaxari chita'gue, ca ỹovirerec, ca 'nejme' qomi', chita'gue, ca' qareme!

Eclesiastés 12:5

ỹo'uet da nqolonaxa da lishicshi'megue, chaqai queso nayic 'ue na lichic. Ca' renohi ana qo'paq almendro, ana piñai ra'paqataxan chaqai ana qo'paq alcaparra tot rotaanaxan queca qanishiitaque. Ma' na ỹale taỹa'a ca la'a' sqaica ca lqodoc, chaqai mashic qara'qaataque quenaua nayico ná'maq noỹenteguelec da lelauaxa.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Eclesiastés 9:5

Ma' ná'maq nca'leetauec ỹa'den quiyim ileu ma'le, qam ná'maq mashic ileu qaica quet cá'maq ỹa'den chaqai se rauegaxan, ma' qaỹa'laxate.

Eclesiastés 9:8

Se neme ñi'segueñi na nooỹac lalagaxaic, chaqai vite ca lishilaxat na rqahiqui'.

Ezequiel 18:4

Ỹim ỹaatqajam ỹalamaxaret ná'ogue na ỹoreta'oguit qomyipi, ca neta'a chaqai ca llaalec. Cá'maq 'ue ca lasauaxaset, ca' chaqaica ileu.

Deuteronomio 30:20

Ỹaatqajam rqo'chiỹa ñi qara'gaxala' qota'olec, na'xaỹaxañii'ta chaqai raqamaxaita, ma' chaqaida dá'maq hueetagui da nachaalataxaguii chaqai quiyim sqaua' rillivii, ca shi'gom ñiitalec na 'laua ná'maq ñi qara'gaxala' nallitalta' na' ỹachaxantac quiyim ỹaanem so Abraham, Isaac, chaqai so Jacob, sauá'maq 'auaxaqa qata'allii.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,