Génesis 5:3 - La'qaatqa ñi qota'olec Qota'olec & Qota'olec Novita Na Qomyipi

³ So Adán ỹovito'o' saua ciento treinta ñaxari co'na' ne'qaañi so llaalec ỹaatqajam imaho lashiquiaxaua. Ca' ỹanco' quiyim leenaxat Set.

Génesis 5:3 Iomraidhean Croise

Génesis 4:25

Ca' so Adán lotqai liỹa viguit aso loua, ca aso'maxare 'uo' so llaalec. Ca leenaxato' nqai'en Set, ma' 'naaco': Ñi qota'olec nañan ñi liỹa ỹaalec, ñigui nqai'en so Abel só'maq ỹalauat na'le so Caín.

Génesis 5:2

Ỹo'uet so ỹale chaqai aso 'aalo, ca' ỹaanem da no'uen llicyaxac. Ca quesó'maq na'xa'a na' qaỹo'ueete', ca ñi qota'olec 'naaco': Leenaxato'o' nqohine', qomi'.

Génesis 5:4

Ca co'na' ime dajo, ca' so Adán ñaqai queuguilo saua liỹa' ochocientos ñaxari quiyim nca'leetauec. Ca' 'vio' saua liỹa' llaalqa chaqai saua llaale.

Job 14:4

Qaica quet cá'maq ishit ñigui co'teeta nqai'en ca napio'o.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 3:36

ca' so Sala leta'a so Cainán, ca' so Cainán leta'a so Arfacsad, ca' so Arfacsad leta'a so Sem, ca' so Sem leta'a so Noé, só'maq llaalec so Lamec,

Juan 3:6

Cá'maq chaqai llaalec cá'maq chaqai qom, ca' ca'maxare qom, qam cá'maq chicqaugui da ne'xaỹoqsoxoc so Espíritu Santo, ca' ca'maxare ỹantañi da no'ueenataxac só'maq Espíritu.

Romanos 5:12

Ca quiyim chicqochigui so 'oonoqui' ỹale quiyim 'ue da nasauaxaset quena 'laua, ca ỹo'uet lligo da nelauaxa, ca' da nelauaxa quigui ná'ogue na qomyipi, ma' ná'ogue 'uo' na lasauaxaset.

1 Corintios 15:39

Mesqai ná'ogue na 'ueenataxac 'oonoqui'. Ca 'neeta na loshicmaxa na qom 'oonoqui' da no'ueenataxac, chaqai na iseripi lotqai ỹoqa'a, chaqai na ỹo lotqai ỹoqa'a, chaqai na nalliñipi lotqai ỹoqa'a.

1 Corintios 15:49

Ca 'nejme' qomi' nagui sanqatañi da no'ueenataxac só'maq 'lauasec, ca' 'nejem qai'neeta cá'maq na'xa'a quiyim qomi' sanaxañi da no'ueenataxac só'maq piguimsec.

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.