Génesis 5:29 - La'qaatqa ñi qota'olec Qota'olec & Qota'olec Novita Na Qomyipi

²⁹ ca ỹanco' leenaxat Noé. Ma' 'naaco': Ñi qara'gaxala' huaalec nqai'en da se no'uen na 'laua. Ca' ỹaatqajam resalli nqai'en da qaro'ueenataxanaxac quiyim so'ueetaq na 'laua. Qam najo noctoqui' ỹo'uet ma'le quiyim ñco'mataxauec.

Génesis 5:29 Iomraidhean Croise

Génesis 5:28

Ca' so Lamec ỹovito'o' saua ciento ochenta y dos ñaxari co'na' ne'qaañi so llaalec,

Génesis 5:30

Ca co'na' ime ne'qaañi so Noé, ca' so Lamec ñaqai queuguilo saua liỹa' quinientos noventa y cinco ñaxari quiyim nca'leetauec. Ca 'vio' saua liỹa' llaalqa chaqai saua llaale.

Génesis 7:23

Qaisauate' saua Noé chaqai sauá'maq neesaugui aso nahi' nca'lerec. Ca sá'ogue so liỹaripi qaỹapalaxat: so qomyipi, na nelo iseripi, chaqai na ỹoipi, chaqai na iseripi nqai'queetegueri',

Génesis 9:24

Ca' so Noé co'na' ime'uegue so lquiñiuquichi, ca nelouec. Ca ỹa'deeno' dá'maq 'neeto' na'le so llaalec na'aasa.

Isaías 54:9

'Nejem na' saanec da ỹa'qaatec queso Noé na' 'ue so nqodoc, ca' tot liỹa i'paxanlec nqaishin na 'laua quena huaxaỹaq, ca' chaqaida 'neeta nagui saanec da ỹa'qaatec quiyim tot yoquii'a qami' chaqai tot sa'xalen qami'.

Mateo 24:37

'Neete'm ma'le saua na'xata' hueetouguilo saua na'xata' so Noé, ca' chaqaida 'nejem ma'le ca loviraxac najo ỹale llaalec.

Lucas 3:36

ca' so Sala leta'a so Cainán, ca' so Cainán leta'a so Arfacsad, ca' so Arfacsad leta'a so Sem, ca' so Sem leta'a so Noé, só'maq llaalec so Lamec,

Romanos 8:20

Ma' ná'ogue na no'ueenatqaipi 'uo' da nouaxanaxaset ma' ỹo'maac, qam mesqaida quiyim chaqai 'negue 'ne'tegue, qam chaqaiño' ñi qota'olec ñí'maq ỹo'ueeto' quiyim 'ue dajo. Qam se neme quiyim ñaqa 'ue da quitaxac,

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.