Génesis 5:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

Génesis 5:24 Iomraidhean Croise

Génesis 24:40

Na'le, ca 'naapiguiỹa': Ỹim shiquetalec da llilnataxanaxac ñi qara'gaxala'. Ca ñi'maxare ỹa'auaxanta ma'le ca lelaatec piguim le'ec, qaiyi no'uen ca qayicyaxaqui'. Ca' 'ue aca coñita quiyim loua ñi ỹaalec quena iuo' lasellipi quená'maq llaallipi so ita'a.

Génesis 37:30

Ime, ca' quepegue' yi neesa'ñi saua lqaỹa', ca 'naaco' quesaua'maxare: —¡Ca ne'nec totqai hua'ñigui añi ni'ỹa! Ca' nagui, ca ¿nega'ỹo' ca shinta'gue?

Génesis 42:36

Co'na'le, ca 'naaco' so Jacob quesaua'maxare: —Qamiri ỹaatqajma' tot qaica nqai'ñii ca ỹaalec. Ca José mashic tot ỹalequetauguilo qomi', ca Simeón qai'neeta. ¡Chaqai nagui viitaque huootaxañiỹa'gue ñi Benjamín! ¡Ca dá'ogue chaqaỹimeta taateguelec!

Génesis 5:22

Qam so Enoc quejlgoto nauá'maq lelaataxanaxaco ñi qota'olec. Ca co'na' ime ne'qaañi so llaalec Matusalén, ca' so Enoc ñaqai queuguilo saua trescientos ñaxari liỹa' quiyim nca'leetauec. Ca 'vii saua liỹa' llaalqa chaqai saua llaale.

Génesis 5:23

Ca' quesá'ogue, ca ỹovi' trescientos sesenta y cinco ñaxari quiyim nca'leetauec.

Génesis 5:25

Ca' so Matusalén ỹovito'o' saua ciento ochenta y siete ñaxari co'na' ne'qaañi so llaalec Lamec.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

2 Reyes 2:1

Ca co'na' ỹovita ca laloqo' quiyim ñi qara'gaxala' ỹahotaque i'xategue da piguim so Elías queetougui nqai'en aso la'taxanaxa. Ca' so Elías chaqai so Eliseo que', quere'e yi Gilgal.

2 Reyes 2:10

Ca' so Elías 'naaco': —Ỹaatqajam sqai cocho'qui' da shiilaxañisaque. Qam no'm huañitetegue aỹim ma' qaỹoỹoote'oga aỹim caqami', ca' qoỹaañiraxorom. Qam no'm sqai huañitegue aỹim, ca' se qoỹaañiraxorom.

2 Reyes 2:11

Ca saua'maxare ñaqai queete', retaqatecta'. Ca' chi re'laqataxanta quiyim qaiuañi'chiguit aso nahoglena ỹaviquetaugui, ca' saua lo'ol shipga' qai'neeta ỹaviquetauguilo, ca iuagaxachiguilo saua ỹale'. Ca' so Elías taashiguim queda piguim, queetougui aso la'taxanaxa.

2 Reyes 2:12

Ca co'na' iuanchigui dajo so Eliseo, ca ỹaualqo', 'naaco': —Qami' ita'a, qami' ita'a. 'Ñiisari' quen ca 'ñaaxaic nalauataxairipi quena llaalqaipi so Israel. Ca co'na' ime dajo, ca' tot iuanegue so Elías. Ca' so Eliseo ỹaatqajam nasectaqta'ahi saua loho queda le'xoric.

Salmos 73:24

yashaxañi'sac quenaua raqataxagohi', qam ma' ime, ca' coñichiguit aỹim, ca' vite ca imaqachic.

Mateo 2:18

Qara'qaataque da nivillaxac 'maxa'ñi yi Ramá, oỹenaxac chaqai da naualaxac. Chaqaño' añi Raquel noỹenteguelec na llaalqaipi, chaqai se ỹa'maxaren qaicochaq, ma' mashic shi'gue ileue'.

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

Judas 1:14

Qai'neeta so Enoc só'maq hueetougui só'maq pa'aatec na' siete nqo'neuec nqohin so llaalqaipi so Adán, so'maxare ỹa'xat dajo na'le na' ra'qaataxan nqohin quiñi qota'a, co'na' 'naac: “Seuañi'chiguit ñi qara'gaxala' nauequeta'pegue' ná'maq canchaqa ỹoto'o' mil ná'maq lalamqateripi,