Génesis 5:22 - La'qaatqa ñi qota'olec Qota'olec & Qota'olec Novita Na Qomyipi

²² Qam so Enoc quejlgoto nauá'maq lelaataxanaxaco ñi qota'olec. Ca co'na' ime ne'qaañi so llaalec Matusalén, ca' so Enoc ñaqai queuguilo saua trescientos ñaxari liỹa' quiyim nca'leetauec. Ca 'vii saua liỹa' llaalqa chaqai saua llaale.

Génesis 5:22 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 24:40

Na'le, ca 'naapiguiỹa': Ỹim shiquetalec da llilnataxanaxac ñi qara'gaxala'. Ca ñi'maxare ỹa'auaxanta ma'le ca lelaatec piguim le'ec, qaiyi no'uen ca qayicyaxaqui'. Ca' 'ue aca coñita quiyim loua ñi ỹaalec quena iuo' lasellipi quená'maq llaallipi so ita'a.

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 5:21

So Enoc ỹovito'o' saua sesenta y cinco ñaxari co'na' ne'qaañi so llaalec Matusalén.

Génesis 5:23

Ca' quesá'ogue, ca ỹovi' trescientos sesenta y cinco ñaxari quiyim nca'leetauec.

Génesis 5:24

Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

Génesis 6:9

Ca' dajo dá'maq na'qaataxac so Noé. So Noé ỹaatqajam huagaxaraic chaqai ỹaatqajam na'xaỹaxane'ta ñi qota'olec, sqai 'nejem na liỹa qomyipi. Ỹaatqajam chaqaisoota na'xaỹaxane'ta ñi qota'olec.

1 Reyes 2:4

Qaiyi ñi qara'gaxala' ỹaatqajam ipaquichigui nqai'en da la'qaatec ỹachaxantac na'le caỹim. Chaqai no'm na'maxateta na ỹaalqaipi, chaqai que'tegue cá'maq ỹaatqajam lliqueta quená'maq ỹa'maxarenta ñi'maxare, chaqai quiyim ỹomatauec añi le'taxanata, da nachaalataxac, ca' quena ỹaalqaipi sqoue nqai'en cá'maq lashi nqai'en na llaalqaipi so Israel.

2 Reyes 20:3

—Ỹim sashiila'e' qami' ỹa'gaxala', quiyim o'lliinchira'a quiyim ỹim qamaxaraic quena' so'uet cá'maq 'maxariñite'. Ca' ỹaatqajam noỹen.

Salmos 16:8

Chaqai 'neetari' sqo ỹoxe'oga nqaishin ñi ỹa'gaxala', ñi'maxare hueeta'gue da ỹoic, ca' qaica cá'maq huaañi nqai'en aỹim.

Éxodo 16:4

Co'na'le, ca' ñi qara'gaxala' 'naaco' queso Moisés: —So'uet quiyim 'ec ỹaxat nqaishin ca na'ic chicqashiguim quena piguim. Ca' na qomyipi lapoon cá'maq ỹouen quiyi na'xa'a. Sahotaque quiyim tegue' chi na'xaỹaxana da ỹa'qaatec loqo'm 'e'.

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Amós 3:3

Ca lotqai 'naac so Amós: No'm 'vii caua dos nauequetecta', ca' caua'maxare na'deene'ejta';

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Romanos 8:1

Ca' nagui ỹaatqajam qaica ca nouaxanaxaset cá'maq na'deetau'a so Cristo Jesús, quená'maq totqai que'uegue da se no'uen lamaanaxanqachic na loshicmaxa, ta'ta'a so Espíritu Santo queeta'pegue'.

1 Corintios 7:17

Quecanchaqai 'neeta, qam queca 'óna quejlec da leloxoỹaxac cá'maq qoỹaanem quiñi qara'gaxala', chaqai dá'maq 'neetari' na' qaroỹaxana quiñi qota'a. Ca' dajo ỹaqataxac quená'ogue na no'ueenaxanaxaquiripi.

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Efesios 5:15

Vichiguiño' ỹaatqajam ỹajñita ca 'neeta ca na'maqataxaguii. 'Neeto' lotqai 'ñiitari' ca qaica ca ỹa'den. Ta'ta'a quiyim 'ñiitari' ca 'deenaxanqachaqaic.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.

1 Tesalonicenses 2:12

Chaqai saqataxalo qamiri quiyim ỹaatqajam quiijlec da leloxoỹaxac ná'maq mashic queeta'pegue' ñi qota'a, ma' roỹaxanalo qamiri, qaiyi viriỹau'a nqai'en da lo'ueenataxanaxac ma' ỹoiquentac ná'ogue najo chaqai da lichoxoric.

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.