Génesis 49:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qami' Judá, na rqaỹachi'ipi remaqachiñi' ma'le. Na npa'guenaxauachi'ipi coñitot ma'le na lqosot, chaqai nauá'maq chi rqaỹachi' ỹa'dooto qami' ma'le naua le'cootal.

Génesis 49:8 Iomraidhean Croise

Génesis 27:29

Chaqai 'xoic ca qomyipi ro'ueenataxanot qami' ma'le; chaqai na ỹoreta'oguit qomyipi ỹa'dooto qami' ma'le naua le'cootal. Ca 'viiquiñi'sac ma'le na rqaỹachi'ipi; ¡chaqai ỹa'dooto qami' naua le'cootal! Cá'maq ishiuen qami', ca' qaỹa'ue ca nouaxanaxaset, qam cá'maq re'xoriñi', ca' qai'xoren.

Génesis 29:35

Ca' aso Lea qaiyiita 'uo' so liỹa llaalec, ca ỹanco' leenaxat Judá, loqo'm imaqachin, ma' 'naaco': —Ca' nagui, ca' semaqachin ñi qara'gaxala'. Ca co'na' ime dajo, ca' tot co'o.

Génesis 42:6

Ca' so José só'maq idaanteguelec yijo 'laua, ca' chaqaiso só'maq imeentac na trigo quena qomyipi chicqote'ogalo ỹoviretapego. Ca co'na' ỹoviro so lqaỹaripi, ca' ỹa'dooto naua le'cootal, ỹoviraqta'guita naua lataapi' na 'laua.

Génesis 46:12

Ca' saua llaalqa so Judá leenqate': Er, Onán, Sela, Fares chaqai so Zara. Er chaqai so Onán ileue'o' na'le quiyi Canaán. Ca' saua llaalqa so Fares leenqate': Hezrón chaqai so Hamul.

2 Samuel 5:3

Ca' chaqaida 'neeto' na' sá'ogue so qo'xoiquipi quena llaalqaipi so Israel quepegue' so nashi David quiyim retaxaỹa'pegue' neeta'ñi yi Hebrón. Ca so'maxare ỹa'ue quiyim na'maxate'e' so'maxare, qam ỹaatqajam ỹauanchigui nqai'en ñi qara'gaxala'. Ca' so qomyipi ỹano so David quiyim lashi so llaalqaipi so Israel.

Hebreos 10:13

Ca' quiyi hua'ñi, ca nauaanta'a ca na'xa'a quiyim qaillo'oto naua lapiaate' na npa'guenaxauaripi.

Hebreos 7:14

Ma' ỹaatqajam qaỹa'deenta quiyim so qara'gaxala' chigoxougui so Judá ni'ic, qam so Moisés qaica ca 'naac na'le quesojo ni'ic na' ỹa'xat da 'neeta na netaxaỹaxanqajanqaipi.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.

Apocalipsis 5:5

Ca na'le, ca' 'ue so 'óna queso qo'xoiquipi 'naapiguiỹa': —Totaxan queeta da noỹenaxaqui', ma' ñí'maq qaỹamata'gue sauaxaic leta'a chicqaugui so llaalqaipi so Judá, chaqai qai'neeta chigoxougui na lauo' so nashi David, ñi'maxare rauegaxan. Ca' ishit ỹauachigui ada lere chaqai quiyim naqate' saua siete netanaxanqate qaỹa'gaxanaxansañi.