Génesis 49:33 - La'qaatqa ñi qota'olec Qota'olec & Qota'olec Novita Na Qomyipi

³³ Ca co'na' so Jacob ỹomat da laqataxac queso llaalqaipi, ca' liỹa nenanñi queso lomala'. Ca ileu.

Génesis 49:33 Iomraidhean Croise

Génesis 15:5

Co'na'le, ca' ñi qara'gaxala' ỹauegueco' so Abram. Ca 'naaco': —Ỹaatqajam 'ajñite' na piguim, ca naloqochiñi' ana huaqajñi, no'm shichi' naloqojñi'. Ca chaqaica ỹorete' caua qachaalaxahi' ma'le.

Génesis 25:17

Ca' so Ismael ỹovito'o' saua ciento treinta y siete ñaxari, ca' ỹovita ca lqodoc aca lqauaxaqui. Ca co'na' ileu, ca lapou'a so 'auaxaic leta'allipi.

Génesis 25:8

Ca co'na' mashic ỹaatqajam qo'xoỹom, ca' ileu, ỹalauat dá'maq chi lqo'xo. Ca' eec lapoouo queso 'auaxaic leta'allipi.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 49:1

Ca' so Jacob roỹaxane'oga so llaalqaipi, ca 'naaco' quesaua'maxare: —Nqo'ñiiuo caỹim, qaiyi sa'xatema qamiri dá'maq ñaqa naataho viriỹau'a ma'le:

Génesis 49:29

Ca 'uo' so na'xa'a so Jacob ỹa'uo' da la'qaatec queso llaalqaipi, 'naaco': —Tot qaỹaloq yileu. Ca ma' yileu, yishiñiño' ma'le quiyi hua'ñi yi ita'allipi, quiñi lauac na'ñi yi na'laua so Efrón só'maq hitita le'ec,

Génesis 49:32

Yí'maq 'laua chaqai ñi lauac na'ñi yi'maxare, nishiujnaxanaxat na'le queso hitita laseripi.

Génesis 50:1

Co'na'le, ca' so José qa'aal-lec so leta'a, ca na' noỹentac, ca' nqo'goq.

Job 14:10

Qam na qom qaica quet cá'maq lata' quiyim ileu; ca ma' ileu, ¿negue' cá'maq taigue ma'le?

Job 5:26

Ỹovira'a nqai'en qami' cá'maq ỹaatqajam qachaaxa'e' quiyim qami' qo'xoỹom, 'ec aca la ỹiita.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Lucas 2:29

Qami' ỹa'gaxala', nagui, ca' shichi' nañaañirim ca sqaicanqaida ma' ime da ñachaalataxac, ma' ipaquichigui dá'maq ra'qaachiqui' na' 'xachirim, ma' aỹim relaachiqui'.

Hechos 7:15

Ca' chaqaida da 'neeto' quiyim so Jacob taigue da Egipto, ca na'ñi. Ca hua'ñiyi co'na' ileu, chaqai qai'neeta só'maq 'auaxaic qareta'allipi ileua'anyi.

Hebreos 11:22

So José qai'neeta, ma' 'uo' da lpi'ỹaxac, ca ra'qaataxanem so lqaỹaripi liỹa llaalqaipi so Israel quiyim inoxonec ca'e ma'le yi 'laua Egipto, chaqai no'ueenaqtañi da la'qaatec quecá'maq qohinta'que ma'le caua lpi'naqa.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.