Génesis 49:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca 'uo' so na'xa'a so Jacob ỹa'uo' da la'qaatec queso llaalqaipi, 'naaco': —Tot qaỹaloq yileu. Ca ma' yileu, yishiñiño' ma'le quiyi hua'ñi yi ita'allipi, quiñi lauac na'ñi yi na'laua so Efrón só'maq hitita le'ec,

Génesis 49:29 Iomraidhean Croise

Génesis 15:15

Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 23:16

Ca' so Abraham ishit ishiueten aca roỹaxanaque so Efrón só'maq hitita le'ec. Ca' iuanchigui sá'ogue so hitita laseripi na' ỹomatauec ishiueten aso laseuete yijo 'laua.

Génesis 23:17

Ca' chaqaido' da 'neeto' na'le yi na'laua so Efrón hua'ñi yi Macpela pa'a'gue da lqodoigue quiyi Mamre, yijo 'laua liỹa'ogue' so lauac chaqai ná'ogue ana qo'paq pa'aataugui yi'maxare.

Génesis 23:20

Ca' quiyi, ca so Abraham ỹaatqajam lalamaxaret yijo 'laua chaqai so lauac huaugui yijo 'laua mashic imen so hitita laseripi quiyim qaỹa'ue loma' na napalyipi.

Génesis 23:9

quiyim imeenem aỹim ñi lauac na'ñi yi Macpela yí'maq hueetau'e na lahi yi na'laua. Ca ỹim seshiueten cá'ogue acá'maq laseuete ñi lauac, qaiyi ỹaatqajam ỹalamaxarete aca napal lahi' quenajo.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 35:29

Ca' lapooguita saua 'auaxaic leta'allipi co'na' mashic qo'xoỹom. Ca' saua llaalqa Esaú chaqai so Jacob ishiñiño' na'le so'maxare.

Génesis 47:30

Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 49:28

Ca' 'ena ná'maq ne'qaipi quesaua doce llaalqa so Israel, ca' dajo dá'maq la'qaatco' na'le so leta'a queso llaalqaipi na' ỹaanem da no'uen llicyaxac.

Génesis 49:33

Ca co'na' so Jacob ỹomat da laqataxac queso llaalqaipi, ca' liỹa nenanñi queso lomala'. Ca ileu.

Génesis 50:12

Ca' saua llaalqa so Jacob ipacqajanchirigui dá'maq ỹahotaque so leta'a'.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

2 Samuel 19:37

Qam chaqaidaata quiyim sashiila'e' quiyim sopil ma'le queda ỹa'a', ma' sahotaque quiyim chaqaiyi seua'ñi ma' yileu, qaiyi qayishiñi'ñi ma'le cá'maq huera'ñi caua ita'al. Qam qami' ỹashi, dajo liỹa nalli'i', da'maxare chaqai ỹaalec, leenaxat Quimam. Ca qami' liỹaatac da'maxare, ca qami' chaqai 'viiquiñi'sac cá'maq 'ñi'sa'gue queda'maxare.

Hebreos 12:23

lapoota'ta' imaqachintac ñi qota'a, chaqai ná'maq lapoota'ta' llaalqaipi ñi qota'a ná'maq qoỹeretañi queda piguim. Ca mashic nqo'ñiu'a ñi qota'a ñí'maq imit ma'le ná'ogue, chaqai ná'maq lqui'illipi na qom huagaxaraic, ná'maq nachinñi nqohin quiñi qota'a.