Génesis 49:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' da Benjamín 'neetari'o' ca isecỹac toxonaxai, ca' quiyi nete'etam, ca ỹo'taxantañi ỹa'ic ca loxonec chaqai quiyi avit, ca imeenec ca li'ỹoxot.

Génesis 49:27 Iomraidhean Croise

Génesis 35:18

Qam aso'maxare mashic ileuetac, ca' quesó'maq co'uaataxanta lacatoqui', ca ỹanco' Benoni, llaalec da i'xoric, só'maq llaalec, 'eno'm só'maq leta'a ỹanco' leenaxat Benjamín, loqo'm ỹoic llaalec.

Génesis 46:21

Ca' so llaalqaipi so Benjamín leenqate': Bela, Bequer, Asbel, Gera, Naamán, Ehi, Ros, Mupim, Hupim chaqai so Ard.

Génesis 49:26

Na qataa'i' ỹapacauec nqai'en ca lqouagaxanaxat caqami' quedá'maq lqouagaqa' saua ita'al caỹim. Napaqueralec ca lqodoc naua quemaralgoto qa' ladocai 'ec qaica ca lqodoc nauajo qouagaxaco hueetalgoto ma'le na lqahic da José, dá'maq qanca'au'a na'le quena lqaỹaripi.

Génesis 49:28

Ca' 'ena ná'maq ne'qaipi quesaua doce llaalqa so Israel, ca' dajo dá'maq la'qaatco' na'le so leta'a queso llaalqaipi na' ỹaanem da no'uen llicyaxac.

Números 23:24

Najo qomyipi quiyim ne'laxashiguim ỹaatqajam qaica 'nejem da lichic 'ec ca regat, chaqai se nco'matec quiyim saqa' qo'oc cá'maq letoc, quiyim saqa' ni'chiguilo caua leuo' ca loxonec.

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Mateo 7:15

Rovichii'a na 'maatqaiquipi ná'maq 'naac quiyim letaxaỹaxanqajnec ñi qota'a. Najo naata'alo qamiri ỹantañi na qagreta loshicmaxa, qam da pa'aataho no'ueenataxac 'ec na isecỹac toxonaxai.

Hechos 20:29

Ma' sa'den quiyim ma' ime sqoshiilec najo, ca novite' caua liỹa', ỹahosaque iuagaxaterac na mashic icoñiguit da na'qaatec, 'nejem ca ỹa'cac ana qagreta quiyim ỹovirougui ca qagretaipi se ỹa'maxatac, ca retoxoñigui.

Hechos 8:3

Qam so Saulo ñaq ỹocantac ná'maq mashic ỹacoñiguit da na'qaatec, ỹocane' naua na'aate', ỹahotaque naqata'a, nahoglenec na ỹalliripi chaqai ana 'aallipi, ca ỹauegueu'a añi ncoñiitaxanaxaqui.

Hechos 9:1

Qam ñaqaiso so Saulo queetalec quiyim ỹadentalec ná'maq huelec so qara'gaxala' Jesús. Vichiguiño' quepegue' so lashi na netaxaỹaxanqajanqaipi,

Filipenses 3:5

Ma' qaỹa'ue na netanec na ỹoshicmaxa na' ime ñi'qaañi quecaua ocho na'xata', ma' iuo' na Israel laseripi, sachicqaugui na llaalqaipi so Benjamín, naua ỹa'qaatqa 'nejme' naua la'qaatqa saua ita'al hebreo lase'. Ỹim salequetaugui na'le na qohinac fariseo, ma' ỹaatqajam quejlgoto naua naqataxaco chicqo'oto so Moisés.