Génesis 49:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Na qataa'i' ỹapacauec nqai'en ca lqouagaxanaxat caqami' quedá'maq lqouagaqa' saua ita'al caỹim. Napaqueralec ca lqodoc naua quemaralgoto qa' ladocai 'ec qaica ca lqodoc nauajo qouagaxaco hueetalgoto ma'le na lqahic da José, dá'maq qanca'au'a na'le quena lqaỹaripi.

Génesis 49:26 Iomraidhean Croise

Génesis 37:28

Ca co'na' que'tegueyi so nemeenaxaiquipi, liỹa leenaxat Madián laseripi, ca' qanaqajshiguim so José cañi ni'ỹa quesaua lqaỹa', ca qaimen queso Ismael llaalqaipi, veinte ana chiróla chicqaugui ana plata lesega'a nqohin so José. Ca' qai'xategue da Egipto.

Génesis 37:8

Ca' saua lqaỹa' 'neraco': —¡Ca' quedajo, ca 'ñirac quiyim qami' qarashi ma'le, ca' 'viiquiñisa'pe qomi' ma'le! Ca co'na'le, ca' paguec qanoquii'a queso le'guemataxac chaqai quedá'maq 'neeto' na' ỹa'xat.

Génesis 49:27

Ca' da Benjamín 'neetari'o' ca isecỹac toxonaxai, ca' quiyi nete'etam, ca ỹo'taxantañi ỹa'ic ca loxonec chaqai quiyi avit, ca imeenec ca li'ỹoxot.

Isaías 54:10

'Eno'm ana qa' ladocai nqo'in ỹoỹoota'a ca loma' chaqai naua quemaralgoto taari'nquira, qam dá'maq iqo'iichi caqami' se nadalaxat chaqai se nqo'ñiñi dá'maq qana'deenaxac queda no'daxa. Dajo 'naac ñi qara'gaxala' ñí'maq 'ue da lqouagaxa caqami'. (54.11-17 Yí'maq dalaxaic Jerusalén.)

Jonás 2:6

Ỹaatqajam seyinñi sovira'ña na lqodoc na qaica 'nejem lishigui'ña; ỹaatqajam 'ec mashic polec aỹim quena 'laua. Qalaxam qami' ỹa'gaxala' qota'olec caỹim, yca'laxachirec queso nelauaxa.

Números 6:2

—'Ñirapego' na Israel llaalqaipi queda shinac, 'neetasa': Ca ỹale loqo'm aca 'aalo quiyim mashic ỹaanec da la'qaatec quiyim nañaanot ñi qara'gaxala' quiyim nazareo,

Hechos 7:9

Sojo llaalqaipi so Jacob, chaqaiso so sachigoxosoxougui. Sojo nqaỹaripi pa'guen so lanoq, leenaxat José. Ca' qaimen, ca qaỹaueguegue da 'laua, leenaxat Egipto. Qam ñi qota'olec liỹaatac so José.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.