Génesis 49:25 - La'qaatqa ñi qota'olec Qota'olec & Qota'olec Novita Na Qomyipi

²⁵ ¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

Génesis 49:25 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 27:28

Ñi qota'olec ỹaanem qami' ma'le ca ỹaxat chicqo'ot na piguim, chaqai da no'uen laỹaxac ca qadañicshiqui' quena 'laua, 'xoic ca ỹaanem qami' trigo chaqai 'xoic ca lataxa.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:21

chaqai no'm qaica nqaida caỹim ma' yapila na la'a' ñi ita'a, ma'le, ca' ñi na'gaxala' chaqaiñi ñí'maq qota'olec caỹim.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 43:23

Ca só'maq neloxoỹaq quiyi na'a' 'naaco': —Yí, re'maxaita, qaica ro'chiỹaque. Cá'maq qota'a caqamiri chaqai ca qataa'i peeta'a chaqaica cá'maq illañiguilo caua qachoxoquiri ca qadamii, ma' ỹim secoñiguit na'le acá'maq rishiuetenaxanqachii qadamii. Ca' so neloxoỹaq ỹauata'a so Simeón, ca ỹaueguec quiyí'maq neesa'ñi saua'maxare.

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

Salmos 84:11

Ma' ñi qara'gaxala' qota'olec coỹareta'ñalo chaqai quepaqataxanteguelgoto qomi'; ñi qara'gaxala' i'xoren chaqai imaqachin cá'maq qaica ca lasauaxaset chaqai qaica ca ỹollaapeguem quená'maq no'uen.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

Filipenses 4:19

Ca' ñi qota'olec ỹaanema qamiri ma'le ná'ogue ná'maq liỹa viñitaque, ỹachigoxochichigui dá'maq qaica 'nejem lauaq lesallaxa hueeto'ot nqai'en so Cristo Jesús.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.