Génesis 49:24 - La'qaatqa ñi qota'olec Qota'olec & Qota'olec Novita Na Qomyipi

²⁴ qam da José ỹaatqajam ra'ñi'teguelo naua lqai'laqate', lo'qoochiguiñi da lo'xoshic; ¡ña'aachic quiñi qota'olec quena Jacob, ma' quesaxanaxaic!, ¡ña'aachic quiñí'maq neloxoỹaq ro'ootaxanteguelec na Israel!,

Génesis 49:24 Iomraidhean Croise

Génesis 45:11

Quenajo sa'ue ma'le ca qanoxohi, chaqai cá'ogue ca qachaalaxahipi, chaqai cá'ogue cá'maq qauorahi, qaiyi qaica ca viñiỹaque. Ma' ñaqai naate' naua liỹa' cinco ñaxari nqopaxaqui'.

Génesis 45:5

Qam qouaguiic, qaica huapigui qavillii chaqai sqai 'ohiỹa dá'maq chi no'ueenataxaguii quiyim yimiiñii. Ma' qota'olec ñí'maq 'au yila' caqamiri, ma' ỹahotaque ñca'laxatec ca chaalataxac.

Génesis 45:7

Qam ñi qota'olec ya'auaxan yila', qaiyi qamiri 'ue aca qachaxataxahi quena 'laua, qaiyi 'ue ca ne'laxa quiyim ñca'laxaterec qamiri queda nqopaaxa.

Génesis 47:12

Chaqai so José ỹo'ueetetaco' na loq sá'ogue so lqaỹaripi quecá'maq taachi'ñi ca louenaxanaxa quiñi 'óna.

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 49:23

Na no'xoshic lo'ollipi noquii'a, ỹahintapeguec na lovic, chaqai se neme se qaỹo'daxat;

Génesis 50:21

Ca vichiguiño' totaxan ro'chii. Ỹim saanema qamiri ca qanoxohi chaqai naua qachaalaxahi. Ca' chaqaida 'ne'teco' na'le so José na' ỹo'daqaine', ma' ỹaatqajam ineequesente' saua'maxare.

2 Samuel 5:2

Ma' llic quiyim so Saúl só'maq qarashi na'le, qam qami' ná'maq la'gaxala' na llaalqaipi so Israel quena' 'ue na lauataq. Chaqai ñi qara'gaxala' ỹachaxantac qami' quesom quiyim qami' la'gaxala' na llaalqaipi so Israel.

Salmos 118:22

Só'maq qa' lañijnec na 'imec lo'ollipi, ca' chaqaiso só'maq 'auaxaic qailliguiñi caso lasogue so 'imec.

Salmos 23:1

Ñi qara'gaxala' reloqotaỹa', 'ec nqai'en aỹim ca neloxoỹaq cana qagreta; ca' qaica ca souentaque.

Salmos 27:14

¡Pi'i'ta ñi qara'gaxala'! ¡Na'ñaxachi', totaxan reualliriñi! ¡Ajá'a, ỹaatqajam pi'i'ra'a ñi qara'gaxala'!

Salmos 73:23

Qam qaiyiita se neme sento'ot qami'. Coñisa'guit aỹim queda ỹoic,

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Isaías 1:24

Vichiguiño' ñi qara'gaxala' qaica lqalanec, ñí'maq qaica ca qalanac quena Israel 'naacsa': ¡Liyi nalootañi! Ỹim seloqoguit na ñpa'guenaxauaripi. Sa'ue ỹovi' quena'maxare.

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 49:26

Ỹim yipaca'a ma'le ná'maq qa'uaiquipi quiyim squi'ỹaxanegue ná'maq chi la'at chaqai quiyim quiñiuguetegue ná'maq chi leuoripi, 'ec nqai'en na lataxa. Qaiyi ná'ogue na qomyipi quena 'laua ỹa'den quiyim ỹim ná'maq ỹim na'gaxala', ỹim ná'maq ñca'laxatec aqami', quiyim ỹim ná'maq quesaxanaxaic queso Jacob, ỹim ná'maq sosouec aqami'.

Isaías 60:16

Na ỹoreta'oguit qomyipi ỹaanem qami' ma'le ná'maq no'uen na'ic chaqai na nashillipi noda'a qami' ma'le na lesallaxa; chaqai 'yiiñira'a quiyim ỹim ná'maq ñca'laxatec qami', ỹim ra'gaxalachi', chaqai ỹim ná'maq sosouec qami', ỹim quesaxanaxaic qota'olec queso Jacob.

Mateo 21:42

Ca' so Jesús 'naaco': —¿Se ỹauanapego' quen quiyim taxailgoto naua naneresañi la'qaatqa ñi qota'olec? 'Neracsa': So qa' qaỹañijin queso 'imec lo'ollipi, chaqaiso' só'maq nollaañi ca 'imec. Dajo ỹo'ueeto' na'le ñi qara'gaxala'. Ca' dajo 'ec chalego nqaishinaq na lemaqachic.

Marcos 12:10

¿Saqa' taxahilgoto' quen yaua naneresañi la'qaatqa ñi qota'olec? Ma' 'nerac: Só'maq qa' ỹañijin so 'imec lo'ollipi, chaqaiso só'maq nollaañi nqohin ca 'imec.

Lucas 20:17

Qam so Jesús ra'ỹaugui so qomyipi, ca 'naaco': —¿Negue' ca reloqo'tegue yi naneretañi la'qaatec ñi qota'olec? Ma' 'naac: So qa' lañijnec ná'maq ỹo'ueetac na 'imec, ca chaqaica ca ỹovira'a quiyim ra'ñichiguiñi nqai'en ca 'imec.

Hechos 4:11

Qamiri 'imec lo'ollipi, sojo Jesús só'maq ỹaatqajam qa', qam qamiri sqai coñiguit, chaqaiso só'maq ỹovita nagui quiyim ra'ñichiguiñi nqai'en ca 'imec, sqai 'nejem ca liỹa qa'.

Romanos 14:4

Ca ¿negue' quet qami' quiyim qui'seguelec cá'maq ỹoqa'a nelaatec? No'm ỹa'maqachiguiñi cá'maq ỹo'ueetetac, loqo'm se ỹa'maxañi, qam nanoiquenta'pegue' cá'maq chi na'co'. Qam ỹa'maxañi ma'le, ma' só'maq qara'gaxala' 'ue da lquesaxanaxa quiyim ỹa'maxañi nqai'en ca'maxare.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Deuteronomio 34:9

Ca' so Josué, só'maq llaalec so Nun, chicqo'ot so Moisés da la'deenaxanaxa so'maxare, ma' so Moisés ỹashil-lec na'le so'maxare, ca nqouagaxainlec. Ca vichiguiño' so Israel llaalqaipi ỹaatqajam na'xaỹaxane'ta so'maxare, ca ipacqajanchigui dá'maq 'naaco' na'le ñi qara'gaxala' queso Moisés.

Colosenses 1:11

Chaqai sashiilqatac ñi'maxare quiyim ra'ñichiriñi nqai'ne' qamiri quedá'maq chalego lecaic lquesaxanaxa, qaiyi shichii na'ñaxachiguit ná'ogue quiyim 'xoic da reualaxaviguii chaqai da netoonaxaguii,

2 Timoteo 4:17

Qalaxam ñi qara'gaxala' Jesús yotauan, ca ỹo'uet ca ỹa'ñaxac quiyim yipaquejlec quiyim sa'xat da na'qaatec chicqaugui da nca'laxa, qaiyi 'xaỹa dajo ná'ogue ná'maq sqai judioipi. Ca' chaqaida 'neeta quiyim so qara'gaxala' nca'laxatec aỹim quesó'maq toxonaxai.