Génesis 49:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Qami' ỹa'gaxala', ñauaanta'a quiyim yca'laxachirec.

Génesis 49:18 Iomraidhean Croise

Génesis 49:17

Da'maxare 'nejem ma'le ca nanaic hueetau'e na lahi ca nayic, quiyim ỹa'guiguilo naua la'ỹaaxal na shipiguiripi, ca ỹanataxajñi cá'maq neetalec.

Salmos 130:5

Dá'ogue da ñachaalataxac ñauaanta'a ñi qara'gaxala' quiyim yotauan, chaqai seuelec da la'qaatec.

Salmos 14:7

¡Saxanchi' cada quemaralec qa' ladocai Sión chicqojlec ca lca'laxa na llaalqaipi so Israel só'maq liỹa leenaxat da Jacob! Ma' ñi qara'gaxala' ỹadalaxat ca iloxoỹaxane'tegue na lalamaxareteripi, ca' netoon ma'le ná'ogue na lalamaxaret llaalqaipi so'maxare.

Salmos 40:1

Saanot da ñaquitaxac ñi qara'gaxala', ca ñi'maxare nqai'guiñi, ma' ỹahotaque 'xaỹa da ỹaualaxac;

Éxodo 15:2

Dajo ỹo'ueenec saantacot ñí'maq qara'gaxala', ñi'maxare chi iquesaxanaxa chaqai ica'laxa. Ñi'maxare chaqaiñi ñi qota'olec caỹim, ca' semaqachintac; ñí'maq qota'olec quiyi ita'a, ca' ỹim sapacqajnauec.

Isaías 25:9

Ca' quecajo na'xa'a, ca' qohinac: Ñijo ñí'maq qota'olec coqomi', ñi'maxare spi'ỹaaqa'a, ca ñi'maxare qarca'laxatec. Saỹaaquioqotalec, ñitoonqata'gue, ma' ñi'maxare mashic qarca'laxatec. (26.1—28.6 Qaỹo'ueenta'uegue da nauegaxanaxac. Da lca'laxa ma'le yi Israel. Qaraqata yi Samaria.)

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Marcos 15:43

Ca' nanaco' so José na'ñi yi na'a' leenaxat Arimatea. So'maxare ỹaatqajam choxoraic, chaqai ỹalequetaugui na nashillipi na ỹo'ueetegueñi na leloxoỹaxaquipi, chaqai so'maxare nauaantaque quiyim novi' ca lo'ueenataxanaxac ñi qota'olec ma' ỹoiquentac ná'ogue najo. Ca' ỹaatqajam ỹa'ñaxachigui na lauel, ca' quepegue' so Pilato, ca rashiilaxanegue so Jesús.

Lucas 1:30

Ca' sojo nelaatec 'naaco': —María, qami' se ro'chi'i', ma' ñi qota'olec ỹaatqajam ỹa'maxarenta qami'.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Lucas 2:30

Ma' aỹim ỹaatqajam sauanchigui nagui ná'maq qarca'laxaqui,

Lucas 23:51

Sojo José nauaantaque quiyim novi' ca lo'ueenataxanaxac ñi qota'a ma' ỹoiquentac ná'ogue najo. Ca' so'maxare se ỹa'maxaren dá'maq 'ne'tegue lo'ueenataxanaxac so liỹa nashillipi.

Romanos 8:19

Ca' 'xoic da nishoxo chaqai da quitaxac quiyim ma' ná'ogue na lo'ueenatqaipi ñi qota'a nauaanta'a cajo laloqo' quiyim ma' na llaalqaipi ñi'maxare qaỹachaxanec da no'ueenataxac.

Romanos 8:25

Qam no'm cá'maq ñauaanqataque saqa' seuanaxa, ca' 'ue da qarepagaxallic quiyim ñauaanqataque.

Gálatas 5:5

Ma' qomi' sachigoxotqochigui so Espíritu Santo chaqai da qarpi'ỹaxac, ca' 'ue da qanaquitaxac quiyim icoñi'chiguita qomi' ñi qota'a.

1 Tesalonicenses 1:10

Chaqai na'maxare qai'neeta ỹa'xatetac dá'maq 'neeta quiyim huaanaxañitac quiyim rapil chicqashiguim so Jesús, só'maq llaalec ñi qota'a, só'maq mashic ileu, qam ñi qota'a liỹa nca'laxatec. Ca' chaqaiso só'maq nca'laxaterec qomi' ma'le quecá'maq chalego lecaic nouaxanaxaset na qomyipi naỹalecna.