Génesis 49:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Cá'maq coñirari' ca lalo 'ashin queca uva loma', cá'maq quiỹo' caua loho ỹahote'e na lataxa, ¡ỹahote'e na uva li'i!

Génesis 49:11 Iomraidhean Croise

Génesis 49:12

Naua nqote' paguec naueralgoto da letocqa' quena lataxa; chaqai naua louee paguec lalacqa' quenaua lo'i'.

1 Reyes 4:20

Ỹaatqajam 'xoic na qomyipi neeta'ñi yi Judá chaqai yi Israel, tot qaishit qanaloqochin, 'nejem na lo'uaxanaxa hueeto'ot na lahi aso huaaxai. Chaqai ỹaatqajam 'xoic na na'ic chaqai na qani'chigui, chaqai 'xoic da na'maxa.

1 Reyes 4:25

Ca co'na' ñaqa 'ue so Salomón, ca sá'ogue so neeta'ñi yi Judá chaqai yi Israel, chicqochi'ñi yi Dan, ỹovira'a yi Beerseba, ỹaatqajam 'ue da ne'maxa. Ca' quiñi 'óna neeto'ot acá'maq chaqai lanecse 'uva chaqai ana 'igo.

2 Reyes 18:32

Ime, ca' i'xateguelo qamiri ca 'laua 'nejem ná'maq ñiitalec, yi 'laua 'ue na trigo loma' chaqai na 'uva lomaateripi quiyim qaỹo'uet ca pan chaqai ca lataxa, yi 'laua huaalec na aceite chicqaugui ana oliva chaqai na rapic li'i. Qaiyi ra'maxaiñi ma'le, ca' qaica ca ileu. Qam se na'xaỹaxañiỹa ñi Ezequías, ma' rayiñitac quiyim 'naac quiyim ñi ra'gaxalari ro'ootaxanlgoto qamiri.

Miqueas 4:4

Ca ma'le, ca' tot qaica ca ỹouetetac, ná'ogue nco'matec, neeto'ot ca la'al aca lanecse 'uva, chaqai aca lanecse higo lashi. ¡Ca' dauajo dauá'maq lalamaxarete' la'qaatqa ñi qara'gaxala' sqaica lqalanec! (4.5-13 Ñi qara'gaxala' nca'laxatec ma'le so lalamaxareteripi.)

Apocalipsis 14:20

Aso 'uva qanelam na li'i, qam pa'aatauec nqohin quiyi na'a' lodegaxat. Ca' quiñi lapoonaxaqui nenoxonec na neuo', ca na'maxare ỹoviro'oto naua la'gaqa na shipgaq. Ca' da lecaguiñi so leuoripi ỹovi' trescientos kilómetros.

Apocalipsis 19:18

qaiyi a'guii na la'at na nashillipi, chaqai na nouaataxanaq lashillipi, chaqai na 'ñaaxaiquipi, chaqai na la'at na shipiguiripi, chaqai ná'maq qomyipi neetalec, ná'ogue na la'at na qomyipi, nelaatqaipi loqo'm se nelaatqaipi, cocho'qui' loqo'm ná'maq mashic lodegaxat.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.

Apocalipsis 7:7

doce mil queso llaalqaipi so Simeón, doce mil queso llaalqaipi so Leví, doce mil queso llaalqaipi so Isacar,