Génesis 49:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Génesis 49:10 Iomraidhean Croise

2 Samuel 7:13

Ca' ca'maxare chaqaica cá'maq no'xonshiguim ma'le ca iuo' ca huaugui quiyim qanqouagaxainot aỹim ma'le. Ca' ỹim se'taxajñi quiyim sqaica lqodoc nashi ca'maxare ma'le.

2 Samuel 7:16

Ca' dajo ro'ueenataxanaxaqui' quiyim qami' nashi quena ra'aachi' chaqai 'neetari'. Chaqai se'taxajñi quiyim squepaqataxanlec chaqai sqaica lqodoc nqaishin ma' na qachaalaxai'ipi sanagui qai'neeta quiyim nashillipi.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 55:3

Naguipegue' aỹim, ca' na'xaỹaxañii, ỹaatqajam na'xaỹaxañii'ta aỹim, ca' rca'lliiuec. Ca sa'ue ma'le da ña'deenaxac caqamiri sqaica lqodoc, ca ipaquichiguilo ma'le naua sachaxanta'pe na'le queda i'xorenataxanaxa queso David.

Isaías 60:1

Ne'laxachirishiguim, Jerusalén, lepatetagui qami' da nqashilegaxa, ma' novi' ana rcoỹeraxanaxagui'i' chaqai da lauaq ñi qara'gaxala' re'oq hueetalec aqami'.

Isaías 62:11

Ñi qara'gaxala' ỹa'xateta'guit dajo quenaua'que naua lahil na 'laua: 'Ñiỹapega na na'a' Sión: mashic novi' na nca'laqatqochi'. Na qara'gaxala' noviraxat na lalamaxareteripi, na' ime quiyim louootaxanaxat.

Isaías 9:6

Ma' mashic ne'qaañi ca noctoqui', ñi qota'olec nañaanoxorom ca ñaalcoqui', ca ca'maxare qoỹanagui quiyim nashi. Chaqai qaỹa'vii daua leenqate' 'neetasa': Chalego la'maqa' naua laqataxaco, qota'olec qaica lqalanec, neta'a sqaica lqodoc, lashi da no'daxa. (9.7-21 Ñi qara'gaxala' ro'ỹa so Israel.)

Miqueas 5:1

Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Hageo 2:7

Ca i'loxol nqaishin ma'le ná'ogue na ỹoreta'oguit qomyipi, ca' nodouo ma'le ná'ogue ná'maq hueeto'ot nesallaxa, ca' na qouagaxainaxaqui caỹim no'qaachigui queda lauaq. Ñi qara'gaxala' sqaica lqalanec i'taxajñi da la'qaatec:

Números 24:17

'Ue ñí'maq ya'iita'a ma'le, ỹaatqajam qoỹoqo'ta ñí'maq ñi'pelaxanta'a: ñijo 'ec ana huaqajñi chicqochigui ñi Jacob, ñijo nashi ne'laxashiguim ma'le quena Israel. Ca' co'vigui na lqahic na llaalqaipi so Moab, co'vigui ná'ogue na llaalqaipi so Set.

Números 24:19

Cajo 'ñaaxaic chicqochigui ma'le ñi Jacob chaqai nopoxoỹaxajñi ma'le na no'ueenañi queca na'a' lodegaxat. (24.20-24 Liỹa la'qaatec so netaxaỹaxaqui Balaam.)

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 21:9

Ca quesó'maq 'aueta qomyipi chaqai ná'maq co'uaataxanta qai'neeta ỹaualqatagui, 'naaco': —¡Ỹaatqajam qaimaqachin na llaalec so qarashi David! ¡Ỹaatqajam chalego loyac da llicyaxac ná'maq naquetaugui da leenaxat ñi qara'gaxala'! ¡Qaimaqachin ñi qota'olec!

Mateo 25:32

Ca ná'ogue na ỹoreta'oguit qomyipi lapoỹata' ma'le quiyi reloqota'ñi ca'maxare. Ca ca'maxare, ca' ỹoỹootecchi, 'nejem ca neloxoỹaq quena' ỹoỹoote'oga ana qagreta cana quetaq.

Juan 12:32

Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.

Juan 18:31

Ca 'naaco' so Pilato: —Viguii qamiri da'maxare, ca' dohilec ná'maq naqataxaquipi hueeto'oto qamiri, ca' chaqai michii qamiri. Ca' so judioipi 'naaco': —Qam ma' qomi' judío lase' qaica ca qana'qaatec quiyim 'ue ca salauataq.

Juan 19:12

Co'na'le, ca so Pilato idaantaque ca la'maqa' quiyim ỹosouec so Jesús. Qam so judioipi ỹaualqatagui, 'naaco' quen: —¡No'm 'xañirec da'maxare, ca se nauochaxaua'e' ñi lashi na nashillipi neeta'ñi yi Roma! ¡Ma' canchaqaica quiyim npa'xan quiyim nashi, ca npa'guenaxaua ñí'maq lashi na nashillipi!

Juan 19:15

Qam so'maxare ỹaualqagui, 'naaco': —¡Lauachi'! ¡Lauachi'! ¡Pachiñiro! Ca' so Pilato 'naaco' queso qomyipi: —¿Negue' quet cá'maq 'neeta quiyim spateno ca rashii? Qam so la'gaxala' na netaxaỹaxanqajanqaipi 'naaco': —Qomi' qaica ca liỹa qarashi, qaiñiita ñi lashi na nashillipi na'ñi yi Roma.

Juan 9:7

Ca co'na'le, ca 'naaco': —Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'. Ca' so qai'laq eec, nquiỹo. Ca co'na' rapil, ca neuanchiguiñi.

Romanos 15:12

Qai'neeta so Isaías ỹiriño' na'le da la'qaatec ñi qota'a, 'neetasa': Novi' ma'le ca chigoxougui na llaalqaipi so Isaí, quiyim nachajñi ma' ỹahotaque ỹoiquentac ma'le ná'ogue na qomyipi; ca na'maxare 'ue ma'le ca naquitaxac queca'maxare.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Hebreos 7:14

Ma' ỹaatqajam qaỹa'deenta quiyim so qara'gaxala' chigoxougui so Judá ni'ic, qam so Moisés qaica ca 'naac na'le quesojo ni'ic na' ỹa'xat da 'neeta na netaxaỹaxanqajanqaipi.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.