Génesis 48:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Qam so leta'a se ỹa'maxaren. Ca 'naaco': —¡Shi'gue sa'den, qami' ỹaalec! Qam na'maxare qai'neeta ỹovira'a ma'le quiyim 'xoic ca llaalqaipi. Qam najo lqaỹa paguec na'aasa paguec qaimaqachin ma'le, chaqai ỹovira'a quiyim 'xoic ma'le ca llaalqaipi chicqochigui ca ỹoreta'oguit qomyipi.

Génesis 48:19 Iomraidhean Croise

Génesis 17:4

—Da ña'maqataxac nagui caqami' 'neetasa': Qami' leta'a ma'le ná'ogue na ỹoreta'oguit qomyipi,

Génesis 25:23

Ca' ñi qara'gaxala' 'naaco': Na qavilli' hueesagui yaua dos qomi' chicqaugui ma'le ca ỹoreta'oguit qomyipi; dos yaua neuo' lase' saqa' ne'qa'iñi, qala' reloquitecta'. 'Óna yi paguec lquesaxanaxa ma'le quiyi liỹa, yí'maq na'aasa ỹapacauec ma'le quiyí'maq ỹi.

Génesis 25:28

Ca' so Isaac ỹaatqajam lqo'itaxat so Esaú, ma' ỹa'queetac ná'maq loxonec so'maxare. Qam aso Rebeca lqo'itaxat so Jacob.

Génesis 28:14

Ca ca'maxare ỹovireta'a ma'le quiyim ỹaatqajam 'xoic, 'nejem na lamoxoỹaxa na 'laua, ca' neuagaxajlec ma'le da rapiguim chaqai da 'guiñi chaqai da lqodoigue chaqai da lauashiguim, chaqai ná'ogue na qomyipi quena 'laua chicqochigui da nqouagaxa qami' ma'le chaqai na qachaalaxai'pi.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 48:14

Qam co'na' ỹashilgoto saua'maxare so Israel, ca nemeenta' nqai'ne' saua lqai'laqate'. Ca' queda loic ỹashil-lec na lqahic so Efraín só'maq paguec na'aasa, ca da nemaq ỹashil-lec na lqahic so Manasés 'eno'm chaqaiso só'maq paguec ỹi.

Génesis 48:18

Ca 'naac: —'E', qami' ita'a. Najo 'e'. Najo ná'maq paguec ỹi. Shillirelec na lqahic queda rqai'laxachi' qatoiqui' na'maxare.

Isaías 7:17

Ñi qara'gaxala' taalec nqai'en qami', chaqai na qauochi' chaqai na qachaalaxai'ipi, cauajo na'xata' 'xoic la'aaqa' se ỹauanapega 'neeta, shi'gue na' so llaalqaipi so Efraín noỹootec queso llaalqaipi so Judá. (Ca' quedajo 'neetapega so nashi quiyi Asiria.) (7.18-25 Da netanec so Emanuel.)

Apocalipsis 7:6

doce mil queso llaalqaipi so Aser, doce mil queso llaalqaipi so Neftalí, doce mil queso llaalqaipi so Manasés,

Apocalipsis 7:8

doce mil queso llaalqaipi so Zabulón, doce mil queso llaalqaipi so José, chaqai doce mil queso llaalqaipi so Benjamín.