Génesis 48:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Qam so José 'ec se ỹa'maxañi nqai'en dá'maq 'ne'tegue so leta'a quiyim ỹashil-lec na lqahic so Efraín queda loic. Ca' icono' da lqai'laxat so leta'a, ỹahotaque se qaỹashil-lec so Efraín, ca qaỹashil-lec so Manasés.

Génesis 48:17 Iomraidhean Croise

Génesis 28:8

Ca quedo' na'le, ca' so Esaú ỹa'deene' saua leta'al se nqo'deta ana 'aalo na'ñi yi Canaán.

Génesis 38:10

Ca' ñi qara'gaxala' se nqo'ta qai'neeta dá'maq 'neetari' so Onán, ca' qai'neeta icona da nachaalataxac.

Génesis 48:14

Qam co'na' ỹashilgoto saua'maxare so Israel, ca nemeenta' nqai'ne' saua lqai'laqate'. Ca' queda loic ỹashil-lec na lqahic so Efraín só'maq paguec na'aasa, ca da nemaq ỹashil-lec na lqahic so Manasés 'eno'm chaqaiso só'maq paguec ỹi.

Génesis 48:18

Ca 'naac: —'E', qami' ita'a. Najo 'e'. Najo ná'maq paguec ỹi. Shillirelec na lqahic queda rqai'laxachi' qatoiqui' na'maxare.

Proverbios 24:18

ma' no'm iuana dajo ñi qara'gaxala', ca' se nqo'ta, ca' se noquii'a ma'le ca'maxare.

Números 22:34

Ca' so Balaam 'naaco' queso lelaatec ñi qara'gaxala': —'Uo' ca ỹasauaxaset, ca' se sa'den quiyim viisa'ñi yi'maxare qachisa'ñigui na nayic. Ca no'm sqai 'maxariñi' quiyim shic, ca' sopil.

Romanos 9:11

Qam saua'maxare na' saqa' ne'qa'iñi, chaqai saqa' ỹo'ueete' ca ỹa'maqachiguiñi loqo'm ca se no'uen, ca ñi qota'a 'naaco' caso Rebeca: “Ñí'maq ỹi quiyaua'maxare nelaatec ma'le quiñi lanoq.” Ca' dajo nachiñi'chiguit qai'neeta naua naneresañi la'qaatqa ñi qota'a, 'neracsa': “Se'xoren so Jacob, so Esaú yoquii'a.” Ca' quiyi, ca qai'taxajñi da lca'axanaxac ñi qota'a quecá'maq nca'au'a quecá'maq ỹahotaque roỹaxana, se ra'iitapigui cá'maq ỹo'ueetetac.

1 Samuel 16:7

Qam ñi qara'gaxala' 'naaco' queso'maxare: —Mese ra'irigui cá'maq qom chaqai cá'maq ladoqueta, ma' ỹim se secoñiguit. Ma' sqaida dá'maq ra'iitagui ca qom. Ma' na qom ra'iitagui da chi no'ueenataxac ca qom, qam ỹim ya'iitagui añi le'taxanata.