Génesis 48:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Génesis 48:16 Iomraidhean Croise

Génesis 22:11

ca' so lelaatec ñi qara'gaxala' roỹaxan, 'maqot na piguim, 'naaco': —¡Abraham! ¡Abraham! Ca 'naaco' so Abraham: —Aỹim, seuete'e najo.

Génesis 22:15

Ca' so nelaatec piguim le'ec liỹa roỹaxana so Abraham.

Génesis 32:28

Ca só'maq ỹale 'naaco': —Tot qadeenaxachi' nagui da Jacob. Ca dá'maq qadeenaxachi' nagui 'neetasa': Israel, loqo'm qota'olec leloquiaxaua, ma' loquisa'pegue' ñi qota'olec chaqai na qomyipi, qam sqaica lovi' nqai'ñi'.

Génesis 46:3

Co'na'le, ca ñi qota'olec 'naaco' queso'maxare: —Ỹim qota'olec, nqota'olec so qataa'i', qaica ca ro'chi'saque quiyim 'itegue da Egipto. Ma' chaqaiyi hua'ñi ma'le quiyim ñoquiigaxatec na qachaalaxai'pi, ỹaatqajam 'xoic nqaishin.

Génesis 48:5

Hua', ca nagui naua qachaalaxahi' Efraín chaqai Manasés nauá'maq ne'xaỹoqsoqote' najo Egipto na' saqa' ñovita qami' quenajo 'laua, taỹoto aỹim naua'maxare, quiyim ỹalamaxarete' 'neete'm saua Rubén chaqai so Simeón.

Génesis 49:22

Ca' da José 'neetari' ma'le aca qo'paq neeto'ot na lahi ca huaxaỹaq, ỹaatqajam 'xoic ana la chaqai naua lasotee nqai'guerelec na napoxonaxat.

1 Reyes 1:29

Ca' so nashi ỹaanec da la'qaatec, 'naaco': —Saanec da ỹa'qaatec quiñi qara'gaxala' ñí'maq ro'ootaxanteguelec aỹim quenaua'que naua ñocanaxaco.

Salmos 121:7

Ñi qara'gaxala' ro'ootaxanteguelec qami' quenaua'que nauá'maq 'ue da lichigue'; ñi'maxare cochiitapega da nachaalataxaqui'.

Éxodo 1:7

Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

Jeremías 14:9

¿Chi'negue ma' 'ec se raqamqe', 'ñiisari' ca nalauataxai quiyim se rotaanaxan? Qam qami' qara'gaxala' ñi'sañiguilo qomi', ná'ogue ỹa'den quiyim qomi' ralamaxarichi'ipi; ¡totaxan qaralachi'!

Jeremías 15:21

So'ootaxanlec qami' queda lquesaxanaxa na hualoxonyipi, ñca'laxachirec ma'le queda lquesaxanaxa ná'maq se ra'maqataxan. (16.1—17.13 Mashic nepalata da nouaxanaxaset yi Israel. Dá'maq chi nqouagaxainaxac so Jeremías.)

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Mateo 6:13

Chaqai se qarashiñitegue ca qane'guenaxac, ta'ta'a quiyim otaxañirelgoto qomi' queso na'ỹaapec. Ma' qatoiquenachiqui' dá'maq no'ueenataxanaxac, chaqai da nquesaxanaxa, chaqai da nauaq qaica lqodoc. Ajá'a, ca' chaqaida 'neeta dajo.

Juan 17:15

Se sashiilaxanta'que quiyim naqachi' quena 'laua, ta'ta'a quiyim quepaqataxañirelgoto queso na'ỹaapec.

Hechos 15:17

qaiyi ná'ogue na liỹa qomyipi idaanapigui, ma' ỹim la'gaxala', chaqai ná'ogue na qom neetalec na 'laua, quená'maq sahotaque ỹalamqateripi.

Romanos 8:23

Qam mesqainaata ná'maq no'ueenatqaipi 'ue da le'xoric, qam vire'talo qomi' qai'neeta, 'eno'm mashic hueeto'oto qomi' so Espíritu Santo, qaỹa'auaxanto'oto qomi', qaỹauaaque netanec quecá'maq seconaxaguit ma'le. Qam ñauatqa'guit quiyim chalego lqui'ic, ca' ñauaanqataque cajo na'xa'a quiyim ỹacoñiguita qomi' ñi qota'olec quiyim ỹaatqajam qomi' llaalqa. Ca souec qai'neeta na qaroshicmaxa.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.

1 Corintios 10:9

Chaqai qai'neeta se se'guenqatac so qara'gaxala', 'nejem da 'ne'teco' so 'auaxaic qomyipi quiyim 'uo' na i'guen so'maxare, ca' vichiguiño' 'uo' na ileu quena' qaỹa'ac quena nanaic.

2 Timoteo 4:18

Chaqai quepaqataxanlec aỹim quená'ogue ná'maq se no'uen, chaqai ỹoxojñi aỹim, qaiyi sovirau'a ca lo'ueenataxanaxac hueeto'ot na piguim. Ma' so'maxare hueeto'ot dá'maq qaremaqajnataxanaxac qaica lqodoc. Ajá'a, ca' chaqaida 'neeta dajo.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Hebreos 11:21

So Jacob qai'neeta ma' 'uo' da lpi'ỹaxac, ca co'na' mashic ileuetac, ca' ỹaanema da no'uen llicyaxague' saua laua', llaalqa so José. Ca ỹashiltalec na'le aso lashilete, ca' imaqachintac ñi qota'a.